എം എം മണി മാപ്പ് പറയുന്നതുവരെ സമരം നടത്തുമെന്ന് പൊമ്പിളൈ ഒരുമൈ

മന്ത്രി എം എം മണി രാജിവയ്ക്കണമെന്ന് പൊമ്പിളൈ ഒരുമൈ. മന്ത്രിയുടേത് സ്ത്രീകളെ അപമാനിക്കുന്ന പ്രസ്താവനയെന്ന് പൊമ്പിളൈ ഒരുമൈ നേതാവ് ഗോമതി  പറഞ്ഞു.

മണി മാപ്പ് പറയുന്നതുവരെ സമരം നടത്തുമെന്ന് പൊമ്പിളൈ ഒരുമൈ നേതാവ് ഗോമതി പറഞ്ഞു. മന്ത്രി നേരിട്ടെത്തി മാപ്പ് പറയുന്നതു വരെ മൂന്നാര്‍ റോഡില്‍ കുത്തിയിരുന്നു സമരം നടത്തുമെന്നും ഗോമതി പറഞ്ഞു.

വി എസ്സിന്റെ ഭരണകാലത്ത് മൂന്നാര്‍ ഒഴിപ്പിക്കലിനെത്തിയ സുരേഷ്‌കുമാറിനെ വിമര്‍ശിച്ചപ്പോഴാണ് എം എം മണി പൊമ്പിളൈ ഒരുമൈയുടെ സമരത്തെയും അധിക്ഷേപിച്ചത്. സുരേഷ് കുമാര്‍ അവിടെ ഗസ്റ്റ് ഹൗസില്‍ മാധ്യമപ്രവര്‍ത്തകര്‍ക്കൊപ്പം മദ്യപാനമായിരുന്നു പരിപാടി. കെയ്‌സ് കണക്കിനായിരുന്നു ബ്രാന്‍ഡി. സകല പണിയുമുണ്ടായിരുന്നു. കുടിയും സകല വൃത്തിക്കേടും നടന്നിട്ടുണ്ട്.

പൊമ്പിളൈ ഒരുമൈയുടെ സമരകാലത്തും ഇതൊക്കെ തന്നെയാണ് നടന്നത്. സമരസമയത്ത് അവിടെ കാട്ടിലായിരുന്നു പരിപാടി. ഒരു ഡിവൈഎസ്പിയുണ്ടായിരുന്നു. എല്ലാരും കൂടിയായിരുന്നു പരിപാടി- മണി പറഞ്ഞു.