ഭാ​ര്യ​ക്ക് കു​ൽ​ഭൂ​ഷ​ണ്‍ ജാ​ദ​വി​നെ കാണാൻ പാ​ക്കി​സ്ഥാ​ന്‍ അ​നു​മ​തി നല്‍കി

ദില്ലി: പാകിസ്ഥാന്‍ വധശിക്ഷയ്ക്ക് വിധിച്ച മുൻ നാവികസേന ഉദ്യോഗസ്ഥൻ കുൽഭൂഷൺ ജാധവിനെ സ​ന്ദ​ർ​ശി​ക്കാ​ൻ  ഭാ​ര്യ​ക്ക് അ​നു​മ​തി. മാ​നു​ഷി​ക പ​രി​ഗ​ണ​ന​യു​ടെ പേ​രി​ലാ​ണ് അ​നു​മ​തി​യെ​ന്ന് പാ​ക് വി​ദേ​ശ​കാ​ര്യ മ​ന്ത്രാ​ല​യം അ​റി​യി​ച്ചു. ആ​ദ്യ​മാ​യാ​ണ് കു​ൽ​ഭൂ​ഷ​ണി​ന്‍റെ കു​ടും​ബ​ത്തി​ൽ​പ്പെ​ട്ട ഒ​രാ​ൾ​ക്ക് അ​ദ്ദേ​ഹ​ത്തെ സ​ന്ദ​ർ​ശി​ക്കാ​ൻ അ​നു​മ​തി ല​ഭി​ക്കു​ന്ന​ത്. മുന്‍പ് കുല്‍ഭൂഷന്‍റെ അ​മ്മ അ​വ​ന്തി​ക ജാ​ദ​വി​നു വിസ അ​നു​വ​ദി​ക്ക​ണം എ​ന്നാ​വ​ശ്യ​പ്പെ​ട്ടി​ട്ടും പാ​ക്കി​സ്ഥാ​ൻ സ​ർ​ക്കാ​ർ വിസ നല്‍കിയിരുന്നില്ല.  

ചാരപ്രവര്‍ത്തനം നടത്തി എന്നാരോപിച്ച് കഴിഞ്ഞ ഏപ്രിലിലാണ് പട്ടാള കോടതി കുല്‍ഭൂഷണ്‍ ജാദവിനെ വധശിക്ഷക്ക് വിധിച്ചത്. റി​ട്ട​യ​ർ ചെ​യ്ത​ശേ​ഷം ഇ​റാ​നി​ലെ ച​ബ​ഹ​ർ തു​റ​മു​ഖ​പ​ട്ട​ണ​ത്തി​ൽ ച​ര​ക്കു​ഗ​താ​ഗ​ത ബി​സി​ന​സ് ന​ട​ത്തി​വ​രി​ക​യാ​യി​രു​ന്നു 46 വ​യ​സു​ള്ള ഇ​ദ്ദേ​ഹം.മ​ഹാ​രാ​ഷ്ട്ര​യി​ലെ സാം​ഗ്ളി സ്വ​ദേ​ശി​യാ​ണ് ജാ​ദ​വ്.

കു​ൽ​ഭൂ​ഷ​ണ്‍ ജാ​ദ​വി​നെ വ​ധ​ശി​ക്ഷ​യ്ക്ക് വി​ധി​ച്ച പാ​ക്കി​സ്ഥാ​ൻ സൈ​നി​ക കോ​ട​തി വി​ധി അ​ന്താ​രാ​ഷ്ട്ര നീ​തി​ന്യാ​യ കോ​ട​തി സ്റ്റേ ​ചെ​യ്തി​രു​ന്നു. കേ​സു​മാ​യി ബ​ന്ധ​പ്പെ​ട്ട് പാ​ക്കി​സ്ഥാ​ൻ ഉ​യ​ർ​ത്തി​യ വാ​ദ​ങ്ങ​ളെ​ല്ലാം ത​ള്ളി​യാ​ണ് അ​ന്താ​രാ​ഷ്ട്ര നീ​തി​ന്യാ​യ കോ​ട​തി വ​ധ​ശി​ക്ഷ സ്റ്റേ ​ചെ​യ്ത​ത്.