ഇ​ന്ത്യ​ന്‍ ഡെപ്യൂട്ടി ഹൈ​ക്ക​മ്മീ​ഷ​ണ​റെ പാ​ക്കി​സ്ഥാ​ന്‍ വി​ളി​ച്ചു​വ​രു​ത്തി

ഇ​ന്ത്യ​ന്‍ ഡെപ്യൂട്ടി ഹൈ​ക്ക​മ്മീ​ഷ​ണ​റെ പാ​ക്കി​സ്ഥാ​ന്‍ വി​ളി​ച്ചു​വ​രു​ത്തി അപലപിച്ചു ഇ​ന്ത്യ വെ​ടി​നി​ര്‍​ത്ത​ല്‍ ക​രാ​ര്‍ ലം​ഘി​ച്ചി​ട്ടി​ല്ലെന്ന് ബിഎസ്എഫ്

ഇ​സ്‌ലാ​മാ​ബാ​ദ്: ഇ​ന്ത്യ​ന്‍ ഡെപ്യൂട്ടി ഹൈ​ക്ക​മ്മീ​ഷ​ണ​റെ പാ​ക്കി​സ്ഥാ​ന്‍ വി​ളി​ച്ചു​വ​രു​ത്തി അപലപിച്ചു. നി​യ​ന്ത്ര​ണ​രേ​ഖ​യി​ല്‍ വെ​ടി​നി​ര്‍​ത്ത​ല്‍ ക​രാ​ര്‍ ലം​ഘി​ച്ച്‌ ആ​ക്ര​മ​ണം ന​ട​ത്തി​യെ​ന്ന് ആരോപിച്ചാണ് ഹൈ​ക്ക​മ്മീ​ഷ​ണ​റെ പാക്കിസ്ഥാൻ വി​ളി​ച്ചു​വ​രു​ത്തി അപലപിച്ചത്.  ചൊ​വ്വാ​ഴ്ച്ച ചി​രി​കോ​ട്ട് മേ​ഖ​ല​യി​ല്‍ ഇ​ന്ത്യ പ്ര​കോ​പ​ന​മി​ല്ലാ​തെ വെ​ടി​യു​തി​ര്‍​ത്തു​വെ​ന്നാണ് പാക്കിസ്ഥാന്‍റെ ആ​രോപണം. ഇ​ന്ത്യ​ന്‍ വെ​ടി​വ​യ്പ്പി​ല്‍ ട്രോ​ത്തി ഗ്രാ​മ​ത്തി​ല്‍ ഒ​രാ​ള്‍ കൊ​ല്ല​പ്പെ​ട്ടു​വെ​ന്നും പാ​ക്കി​സ്ഥാ​ന്‍ വ്യ​ക്ത​മാ​ക്കി. 

അ​തേ​സ​മ​യം ഇ​ന്ത്യ വെ​ടി​നി​ര്‍​ത്ത​ല്‍ ക​രാ​ര്‍ ലം​ഘി​ച്ചി​ട്ടി​ല്ലെ​ന്നും പാ​ക്കി​സ്ഥാ​നാ​ണ് വെ​ടി​നി​ര്‍​ത്ത​ല്‍ ക​രാ​ര്‍ ലം​ഘി​ക്കു​ന്ന​തെ​ന്നും ജ​മ്മു കാ​ഷ്മീ​ര്‍ ബി​എ​സ്‌എ​ഫ് എ​ഡി​ജി ക​മ​ല്‍​നാ​ഥ് ചൗ​ന്പെ പ​റ​ഞ്ഞു. ജമ്മു കശ്മീരിലെ സാംബയില്‍ പാകിസ്ഥാൻ നടത്തിയ വെടിവെപ്പില്‍ അസിസ്റ്റന്റ് കമാന്‍ഡന്റ് ഉള്‍പ്പെടെയുള്ള നാല് ബിഎസ്എഫ് ജവാന്മാര്‍ കൊല്ലപ്പെട്ടിരുന്നു. മൂന്ന് ജവാന്മാര്‍ക്ക് ​ഗുരുതരമായി പരിക്കേൽക്കുകയും ചെയ്തിരുന്നു. പരിക്കേറ്റവരെ ജമ്മുവിലെ ആർമി ആശുപത്രിയിൽ പ്രവേശിപ്പിച്ചു.

കഴിഞ്ഞദിവസം രാത്രിയാണ് ചംബ്ലിയാല്‍ മേഖലയിലെ രാംഗര്‍ അന്താരാഷ്ട്ര അതിര്‍ത്തിയില്‍ പാക്കിസ്ഥാൻ വെടിനിര്‍ത്തല്‍ കരാര്‍ ലംഘിച്ചത്. ചൊവ്വാഴ്ച രാത്രി 10.30 മുതല്‍ ആരംഭിച്ച വെടിവെപ്പ് ബുധനാഴ്ച പുലര്‍ച്ചെ 4.30 വരെ നീണ്ടുനിന്നെന്നാണ് റിപ്പോര്‍ട്ട്.