പണി പക്കോട കച്ചവടം; നികുതി വെട്ടിച്ചത് 60 ലക്ഷം

വ്യാഴാഴ്ച്ച കടകളിൽ എത്തിയ ഉദ്യോ​ഗസ്ഥർ രണ്ട് കടകളിലെയും കാഷ് കൗണ്ടറുകളിൽ നിരീക്ഷിക്കുന്നതിനായി നിന്നു. ഒരു ദിവസം മുഴുവനും കാഷ് കൗണ്ടറിൽ നിന്ന ഉദ്യോ​ഗസ്ഥർ കടകളിലെ വരുമാനം കണ്ട് ഞെട്ടുകയായിരുന്നു. തുടർന്ന് കടകളിലെ ദിവസ വരുമാനവും വാർഷിക നികുതിയും കൂട്ടിയപ്പോൾ പന്നാ സിങ്ങിനോട് 60 ലക്ഷം രൂപ നികുതി കെട്ടാൻ ഉദ്യോ​ഗസ്ഥർ ആവശ്യപ്പെട്ടു.   

ലുധിയാനയിൽ നികുതി തട്ടിപ്പ് നടത്തിയ പക്കോട കച്ചവടക്കാരനെ കൈയ്യോടെ പിടികൂടി നികുതി വകുപ്പ്. പക്കോട കച്ചവടക്കാരനായ പന്നാ സിങ്ങിന്റെ മോഡൽ ടൗണിലെയും ​ഗിൽ റോഡിലേയും പക്കോട കടകൾ കേന്ദ്രീകരിച്ച് നികുതി വകുപ്പ് സംഘടിപ്പിച്ച പരിശോധനയിലാണ് നികുതി തട്ടിപ്പ് നടത്തിയതായി കണ്ടെത്തിയത്. 

വളരെ തിരക്ക് അനുഭവപ്പെടുന്ന കടകളിലെ ദിവസ വരുമാനം അറിയുന്നതിന് പ്രിൻ‌സിപ്പൽ കമ്മീഷ്ണർ ഡിഎസ് ചൗധരിയുടെ നേതൃത്വത്തിലാണ് ഒരു സംഘം ഉ​ദ്യോ​ഗസ്ഥർ പരിശോധന സംഘടിപ്പിച്ചത്. വ്യാഴാഴ്ച്ച കടകളിൽ എത്തിയ ഉദ്യോ​ഗസ്ഥർ രണ്ട് കടകളിലെയും കാഷ് കൗണ്ടറുകളിൽ നിരീക്ഷിക്കുന്നതിനായി നിന്നു. ഒരു ദിവസം മുഴുവനും കാഷ് കൗണ്ടറിൽ നിന്ന ഉദ്യോ​ഗസ്ഥർ കടകളിലെ വരുമാനം കണ്ട് ഞെട്ടുകയായിരുന്നു. തുടർന്ന് കടകളിലെ ദിവസ വരുമാനവും വാർഷിക നികുതിയും കൂട്ടിയപ്പോൾ പന്നാ സിങ്ങിനോട് 60 ലക്ഷം രൂപ നികുതി കെട്ടാൻ ഉദ്യോ​ഗസ്ഥർ ആവശ്യപ്പെട്ടു.   

1952നാണ് പന്നാ സിങ്ങിന്റെ പിതാവ് ​ഗിൽ റോഡിലെ പക്കോട കട ആദ്യമായി ആരംഭിച്ചത്. തുടർന്ന് സ്വാദിഷ്ടമായ വ്യത്യസ്ത പക്കോടകളുടെ പേരിൽ കട പഞ്ചാപിൽ പ്രശസ്തിയാർജിക്കുകയായിരുന്നു. പനീർ പക്കോടയും ധീ ബല്ലയുമാണ് ഇവിടുത്തെ സ്പെഷ്യൽ വിഭവങ്ങൾ. രാഷ്ട്രീയക്കാർ, പൊലീസുകാർ, വ്യവസായികൾ, ചലച്ചിത്ര താരങ്ങൾ തുടങ്ങി നിരവധിയാളുകൾ ഇവിടെ വരാറുണ്ട്.