എട്ടു കോടി രൂപ വിലമതിക്കുന്നഹാഷിഷുമായി യുവതി പിടിയില്
Synopsis
രഹസ്യവിവരത്തിന്റെ അടിസ്ഥാനത്തില് തിങ്കളാഴ്ച രാവിലെ ഒമ്പതരയോടെ ഒലവക്കോട് റെയില്വേ സ്റ്റേഷനില് നടത്തിയ പരിശോധനയിലാണ് സിന്ധുജ പിടിയിലായത്. തോള്ബാഗില് പ്ലാസ്റ്റിക് സഞ്ചികളിലാക്കി സൂക്ഷിച്ച നിലയിലായിരുന്നു ഇവ
പാലക്കാട്: വിപണിയില് എട്ടു കോടി രൂപ വിലമതിക്കുന്നഹാഷിഷ് ഓയിലുമായി കന്യാകുമാരി സ്വദേശിനിയായ യുവതി പാലക്കാട് ഒലവക്കോട്ട് സ്പെഷ്യല് സ്ക്വാഡിന്റെ പിടിയിലായി. കന്യാകുമാരി അല്വാര്കോവില് സ്വദേശി സിന്ധുജയാണ് എക്സൈസ് ഇന്റലിജന്സ് ബ്യൂറോയും സ്പെഷ്യല് സ്ക്വാഡും നടത്തിയ പരിശോധനയില് പിടിയിലായത്.
ഇവര്ക്ക് ഇരുപത്തിയൊന്ന് വയസാണ്.രഹസ്യവിവരത്തിന്റെ അടിസ്ഥാനത്തില് തിങ്കളാഴ്ച രാവിലെ ഒമ്പതരയോടെ ഒലവക്കോട് റെയില്വേ സ്റ്റേഷനില് നടത്തിയ പരിശോധനയിലാണ് സിന്ധുജ പിടിയിലായത്. തോള്ബാഗില് പ്ലാസ്റ്റിക് സഞ്ചികളിലാക്കി സൂക്ഷിച്ച നിലയിലായിരുന്നു ഇവ.ആന്ധ്രാപ്രദേശിലെ വിശാഖപട്ടണത്തു നിന്നും തൃശൂരിലേക്ക് കടത്തുകയായിരുന്നു ഇവ. തൃശ്ശൂര് ചാവക്കാട് സ്വദേശിയായ ജാബിറിനു വേണ്ടി കടത്തുകയായിരുന്നു ഇവയെന്ന് ഉദ്യോഗസ്ഥര് പറഞ്ഞു.
ഒരു ലക്ഷം രൂപയാണ് സിന്ധുജയുടെ പ്രതിഫലം. ഇത് 17-മത്തെ തവണയാണ് സിന്ധുജ ചാവക്കാടേക്ക് ഹാഷിഷ് എത്തിക്കുന്നതെന്നും കേരളത്തില് നിന്ന് ഒമാനിലേക്ക് കടത്താനാണ് ഇത് എത്തിക്കുന്നതെന്നും ഇവര് മൊഴി നല്കിയതായി എക്സൈസ് ഇന്സ്പെക്ടര് ടി.രാജീവ് അറിയിച്ചു.
ഇന്ത്യയിലെയും ലോകമെമ്പാടുമുള്ള എല്ലാ Crime News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam