പരുമല തിരുമേനിയുടെ കത്തുകള്‍ വായനക്കാരിലേക്ക്

മുളന്തുരുത്തി:  ഡോ. ഏലിയാസ് ജിമ്മി ചാത്തുരുത്തി രചിച്ച പരിശുദ്ധ പരുമല തിരുമേനിയുടെ ദിവ്യചരിതം എന്ന കൃതിയുടെ പ്രകാശനം മലങ്കര ഓര്‍ത്തഡോക്‌സ് ചര്‍ച്ച് പബ്ലിക്കേഷന്‍സ് പ്രസിഡന്റ് ഡോ. മാത്യൂസ് മാര്‍ തീമോത്തിയോസ് മെത്രാപ്പോലീത്താ നിര്‍വഹിച്ചു. പരുമല തിരുമേനി ചാത്തുരുത്തില്‍ തറവാട്ടിലേയ്ക്കയച്ച കത്തുകളെ അവലംബിച്ചാണ് ഈ കൃതി തയാറാക്കിയിരിക്കുന്നത്.  വെട്ടിക്കല്‍ ദയറായില്‍ വച്ച് നടന്ന ചടങ്ങില്‍ ഡോ. മാര്‍ തീമോത്തിയോസ് അദ്ധ്യക്ഷത വഹിച്ചു. ഫാ. ഡോ. ജോണ്‍ തോമസ് കരിങ്ങാട്ടില്‍, ഡോ. പോള്‍ മണലില്‍, ഡോ. എം. കുര്യന്‍ തോമസ്, ഡോ. ഏലിയാസ് ജിമ്മി ചാത്തുരുത്തി, പ്രൊഫ. മാത്യു പ്രാല്‍, ഫാ. വിനോദ് ജോണ്‍ ആറാട്ടുപുഴ എന്നിവര്‍ ചടങ്ങില്‍ പങ്കെടുത്തു.