കൊച്ചിയിൽ നിന്ന് 20 മുതൽ വിമാന സർവീസുകൾ തുടങ്ങും

70 സീറ്റുകളുള്ള ചെറിയ വിമാനങ്ങളാണ് ഇവിടെ നിന്ന് സർവീസ് നടത്തുക. 

കൊച്ചി: പ്രളയത്തെ തുടര്‍ന്ന് അടച്ചിട്ട നെടുമ്പാശ്ശേരി വിമാനത്താവളത്തിന് പകരം കൊച്ചി നാവിക സേനാ വിമാനത്താവളത്തിൽ നിന്ന് ഓഗസ്റ്റ് 20 മുതൽ വിമാന സർവീസ് ആരംഭിക്കും. 70 സീറ്റുകളുള്ള ചെറിയ വിമാനങ്ങളാണ് ഇവിടെ നിന്ന് സർവീസ് നടത്തുക. 

രാവിലെ 6.00നും 10.00നും ബംഗളൂരുവിൽ നിന്ന് കൊച്ചിയിലേക്കും 8.10നും 12.10നും തിരിച്ച് ബംഗളൂരുവിലേക്കും വിമാനം സർവീസ് നടത്തും. ഉച്ചയ്ക്ക് 2.10ന് ബംഗളൂരുവിൽ നിന്ന് പുറപ്പെടുന്ന വിമാനം 5.10ന് കോയമ്പത്തൂരിലെത്തിയ ശേഷം കൊച്ചിയിലേക്ക് തിരിക്കും. 4.25ന് ഈ വിമാനം കൊച്ചിയിലെത്തും. 

കൊച്ചിയിൽ നിന്ന് 5.10ന് പുറപ്പെടുന്ന വിമാനം കോയമ്പത്തൂർ വഴി 7.30ന് ബംഗളൂരുവിലെത്തും. ഈ വിമാനം 6.30നാണ് കോയമ്പത്തൂരിലെത്തുന്നത്.