പോസ്റ്റല് ജീവനക്കാരിക്ക് കൊറിയറായി ജീവനുള്ള പാമ്പ്
Synopsis
തിരക്കിനിടയില് ഇവര് പൊതി അഴിച്ചു നോക്കിയെങ്കിലും അകത്തെ പ്ലാസ്റ്റിക് പെട്ടി ടേപ്പ് ഉപയോഗിച്ച് ഒട്ടിച്ചതിനാല് തുറക്കാന് ശ്രമിക്കാതെ മാറ്റിവച്ചു. ഇതിനിടെ...
വര്ക്കല : കൊറിയറായി പോസ്റ്റല് ജീവനക്കാരിക്ക് പാമ്പിനെ ലഭിച്ചു. വര്ക്കല പോസ്റ്റ് ഓഫിസിലെ പോസ്റ്റ് വുമണായ കിളിത്തട്ടുമുക്ക് പാര്വതി മന്ദിരത്തില് അനില ലാലിനാണ് ഞെട്ടിക്കുന്ന പാഴ്സല് കിട്ടിയത്. ജീവനുള്ള പാമ്പായിരുന്നു അകത്ത്.
കഴിഞ്ഞ ദിവസം രാവിലെ പോസ്റ്റ് ഓഫിസ് പരിസരത്തു നിന്നാണ് ഇവരുടെ പേരിലുള്ള കോംപ്ളിമെന്ററി പാര്സല് ലഭിച്ചത്.
തിരക്കിനിടയില് ഇവര് പൊതി അഴിച്ചു നോക്കിയെങ്കിലും അകത്തെ പ്ലാസ്റ്റിക് പെട്ടി ടേപ്പ് ഉപയോഗിച്ച് ഒട്ടിച്ചതിനാല് തുറക്കാന് ശ്രമിക്കാതെ മാറ്റിവച്ചു. ഇതിനിടെ, ഓഫീസിലെത്തിയ മറ്റു ജീവനക്കാര് കൗതുകത്തിനു പെട്ടി പരിശോധിച്ചപ്പോഴാണ് പാമ്പാണെന്നു വ്യക്തമായത്.
അതും ജീവനുള്ള പാമ്പ്. ഉടന് തന്നെ പാര്സല് വര്ക്കല പൊലീസിനു കൈമാറി. പെട്ടിയില് ഇവര്ക്കെതിരെയുള്ള ഭീഷണിക്കത്തുമുണ്ടായിരുന്നു. എന്നാല്, തനിക്കു ശത്രുക്കളായി ആരെയും അറിവില്ലെന്നും എന്നാല് അപായപ്പെടുത്താന് ശ്രമിച്ചെന്നും കാണിച്ച് അനില പോലീസില് പരാതി നല്കിയിട്ടുണ്ട്.
ഇന്ത്യയിലെയും ലോകമെമ്പാടുമുള്ള എല്ലാ Viral News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Latest Malayalam News എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam