ഗര്ഭിണിയോട് സ്വകാര്യ ബസ് ജീവനക്കാരുടെ ക്രൂരത
Synopsis
ഗര്ഭിണി വീഴുന്നത് ബസിലെ ജീവനക്കാര് കണ്ടിട്ടും സ്വകാര്യ ബസ് നിര്ത്താതെ പോവുകയായിരുന്നു.
കോഴിക്കോട്: ഏഴ് മാസം ഗര്ഭിണിയായ യുവതിയോട് സ്വകാര്യ ബസ് ജീവനക്കാരുടെ ക്രൂരത. വടകര ഇരിങ്ങലില് ഗര്ഭിണിയായ യുവതിക്ക് ബസില് നിന്ന് വീണ് പരിക്കേറ്റു. കോഴിക്കോട് നിന്ന് ഇരിങ്ങലിലേക്ക് പോവുകയായിരുന്ന ഇരിങ്ങല് സ്വദേശി ദിവ്യയ്ക്കാണ് ഇന്നലെ പരിക്കേറ്റത്.
ഇവര് സ്റ്റോപ്പില് ഇറങ്ങുന്നതിന് മുന്പ് ബസ് മുന്നോട്ട് എടുത്തതാണ് അപകട കാരണമെന്ന് ദൃക്സാക്ഷികള് പറയുന്നു. എന്നാല് ഗര്ഭിണി വീഴുന്നത് ബസിലെ ജീവനക്കാര് കണ്ടിട്ടും സ്വകാര്യ ബസ് നിര്ത്താതെ പോവുകയായിരുന്നു. തുടര്ന്ന് ആശുപത്രിയില് എത്തിച്ച ദിവ്യയുടെ ആരോഗ്യ നിലയില് ആശങ്കകളില്ല. ഇന്ന് പൊലീസില് പരാതി നല്കുമെന്ന് ബന്ധുക്കള് അറിയിച്ചു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam