അദ്ധ്യാപകനെ വിദ്യാര്ത്ഥിനികള് ചേര്ന്ന് മര്ദ്ദിച്ചു; കാരണം ഇതാണ്
Synopsis
അശ്ലീല സന്ദേശങ്ങള് അയച്ച പ്രൊഫസറെ വിദ്യാര്ത്ഥിനികള് കൈകാര്യം ചെയ്തു
പട്യാല : അശ്ലീല സന്ദേശങ്ങള് അയച്ച പ്രൊഫസറെ വിദ്യാര്ത്ഥിനികള് കൈകാര്യം ചെയ്തു. പഞ്ചാബിലെ പട്യാലയിലാണ് സംഭവം. ഇതിന്റെ ദൃശ്യങ്ങള് വാര്ത്ത ഏജന്സി എഎന്ഐ പുറത്തുവിട്ടു. പട്യാല ഗവ. വനിതാ കോളജിലെ അദ്ധ്യാപകനാണ് പട്ടാപ്പകല് റോഡില് വിദ്യാര്ത്ഥിനികളുടെ മര്ദ്ദനമേറ്റത്.
ഇയാള് തുടര്ച്ചയായി വിദ്യാര്ത്ഥിനികള്ക്ക് മൊബൈലില് ലൈംഗിക ദൃശ്യങ്ങളും മറ്റും അയച്ചതാണ് പ്രതിഷേധത്തിന് വഴിവെച്ചത്. മൂന്ന് പെണ്കുട്ടികള് ചേര്ന്ന് ഇയാളെ അടിക്കുന്നത് ദൃശ്യങ്ങളിലുണ്ട്. ഇവരില് നിന്ന് രക്ഷപ്പെടാന് അദ്ധ്യാപകന് ശ്രമിക്കുന്നുണ്ടെങ്കിലും പെണ്കുട്ടികള് പിടിവിടാതെ പ്രഹരിക്കുന്നുണ്ട്.
മറ്റൊരു വിദ്യാര്ത്ഥി ഇത് മൊബൈലില് പകര്ത്തുകയും ചെയ്തു. അതേസമയം വിദ്യാര്ത്ഥിനികള് ഇതുവരെ പൊലീസിനെ സമീപിച്ചിട്ടില്ല. അതിനാല് തന്നെ ഇയാളുടെ പേരുവിവരങ്ങള് പുറത്തുവിട്ടിട്ടില്ല.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam