മഴക്കെടുതി: കണ്ണൂരില്‍ വീണ്ടും ഉരുള്‍പൊട്ടല്‍; വാർത്തകൾ ഒറ്റനോട്ടത്തിൽ

വടക്കൻ കേരളത്തിലെ പല പ്രദേശങ്ങളിലും മഴ തുടരുകയാണ്. മലയോര മേഖലകളിൽ നിന്ന് ഉരുൾപൊട്ടലിന്റെ വാർത്തകൾ എത്തുന്നു. പമ്പയിൽ നിന്നും എത്തുന്നതും പ്രളയത്തിന്റെ വാർത്തകളാണ്. അതേസമയം ഇടുക്കി  ചെറുതോണി അണക്കെട്ടിന്റെ രണ്ട് ഷട്ടറുകൾ അടച്ചെന്ന ആശ്വാസ വാർത്തയും ഉണ്ട്. 

തിരുവനന്തപുരം: വടക്കൻ കേരളത്തിലെ പല പ്രദേശങ്ങളിലും മഴ തുടരുകയാണ്. മലയോര മേഖലകളിൽ നിന്ന് ഉരുൾപൊട്ടലിന്റെ വാർത്തകൾ എത്തുന്നു. പമ്പയിൽ നിന്നും എത്തുന്നതും പ്രളയത്തിന്റെ വാർത്തകളാണ്. അതേസമയം ഇടുക്കി  ചെറുതോണി അണക്കെട്ടിന്റെ രണ്ട് ഷട്ടറുകൾ അടച്ചെന്ന ആശ്വാസ വാർത്തയും ഉണ്ട്.

മഴയുമായി ബന്ധപ്പെട്ട വാർത്തകൾ ഒറ്റനോട്ടത്തിൽ...

•  കണ്ണൂര്‍ അയ്യന്‍കുന്ന് പഞ്ചായത്തിൽ രണ്ടിടത്ത് മണ്ണിടിച്ചിൽ, 20 കുടുംബങ്ങള്‍ ഒറ്റപ്പെട്ടു
• ഇടുക്കിയിൽ ആശങ്ക ഒഴിയുന്നു, ചെറുതോണി ഡാമിന്റെ രണ്ട് ഷട്ടറുകൾ അടച്ചു
• കണ്ണൂർ അയ്യൻകുന്നു ഉരുപ്പുംകുറ്റി വനമേഖലയിൽ വീണ്ടും ഉരുൾപൊട്ടി
• ഏഴാംകടവ് പ്രദേശത്തു 2 നടപ്പാലങ്ങൾ തകർന്നു, ഏഴാംകടവ് പ്രദേശം ഒറ്റപ്പെട്ടു
• വയനാട്‌ ജില്ലയിലെ പ്രൊഫഷണൽ കോളജ്‌ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും നാളെ ജില്ലാ കലക്റ്റർ അവധി പ്രഖ്യാപിച്ചു.
• പമ്പാ നദിയിൽ ജലനിരപ്പുയർന്നേക്കുമെന്നും തീരത്തുള്ളവർ ജാഗ്രത പാലിക്കണമെന്നും ആലപ്പുഴ ജില്ലാ കലക്ടർ
• ശബരിമല തീർത്ഥാടകർക്കും ജാഗ്രതാ നിർദ്ദേശം; ശബരിമലയിൽ ഭക്തജനങ്ങൾക്ക് വിലക്ക്
• പത്തനംതിട്ട ജില്ലയിലെ തിരുവല്ല, കോഴഞ്ചേരി താലൂക്കുകളിലെ ദുരിതാശ്വാസ ക്യാന്പുകൾ പ്രവര്‍ത്തിക്കുന്ന എല്ലാ സ്ഥാപനങ്ങള്‍ക്കും നാളെ ജില്ലാ കളക്ടർ അവധി പ്രഖ്യാപിച്ചു
• ബാണാസുര സാഗർ അണക്കെട്ടിലെ  നീരൊഴുക്ക് കൂടിയതിനാൽ ഷട്ടറുകൾ കൂടുതൽ ഉയർത്തുമെന്ന് അറിയിപ്പ്, ജനങ്ങൾക്ക് ജാഗ്രതാ നിർദ്ദേശം
• പാലക്കാട് കൽപ്പാത്തി പുഴയിൽ കാണാതായ  മൂത്താന്തറ സ്വദേശി രാജൻ (54)ന്റെ മൃതദേഹം കണ്ടെത്തി
• എറണാകുളം ജില്ലയിലെ പ്രളയക്കെടുതി അവലോകനം ചെയ്യാനും ശുചീകരണ പ്രവർത്തനങ്ങൾ ഏകോപിപ്പിക്കാനും ജില്ലാ കളക്ടറുടെ അധ്യക്ഷതയിൽ യോഗം ചേർന്നു
• പാലക്കാട് ജില്ലയിലെ എല്ലാ വിദ്യാഭ്യാസ സ്ഥാപനങ്ങൾക്കും നാളെ ജില്ലാ കളക്ടർ അവധി പ്രഖ്യാപിച്ചു
• ഇടുക്കി മാട്ടുപ്പെട്ടി ഡാമിലെ ജലനിരപ്പ് ഉയരുന്നതിനാൽ ജനങ്ങൾ ജാഗ്രത പാലിക്കണമെന്ന് അറിയിപ്പ്
• കോഴിക്കോട്  ഇരുവഴിഞ്ഞിപ്പുഴയിൽ മലവെള്ളപ്പാച്ചിൽ,  മറപ്പുഴയിൽ നിർമ്മിച്ച താത്കാലിക പാലം ഒലിച്ചുപോയി
• മലപ്പുറം നിലമ്പൂരിന് സമീപം ആഢ്യൻപാറയിൽ ഉരുൾപൊട്ടൽ, ആളപായമില്ല