പാർട്ടിയുടെ ഭാരം മൂന്നു പേരും കൂടി താങ്ങി പിടലി ഒടിക്കരുത്;വിമര്‍ശനവുമായി ഉണ്ണിത്താന്‍

പാർട്ടിയുടെ ഭാരം മൂന്നു പേരും കൂടി താങ്ങി പിടലി ഒടിക്കരുത്

തിരുവനന്തപുരം:പാര്‍ട്ടിക്കുവേണ്ടി വെള്ളം കോരിയിട്ടും തന്നെ തഴഞ്ഞെന്നും സ്വന്തം നാട്ടില്‍ ഒരു സീറ്റ് ചോദിച്ചിട്ട് തന്നില്ലെന്നും രാജ്മോഹന്‍ ഉണ്ണിത്താന്‍. കെപിസിസി നേതൃയോഗത്തിലാണ് രാജ്മോഹന്‍ ഉണ്ണിത്താന്‍ വിമര്‍ശനം ഉയര്‍ത്തിയത്. പാര്‍ട്ടിയുടെ ഭാരം മൂന്നുപേരും കൂടി താങ്ങി പിടലി ഒടിക്കരുതെന്നും ചെങ്ങന്നൂരിലും നേതാക്കള്‍ക്ക് ഗ്രൂപ്പ് താല്‍പര്യമാണെന്നും എന്‍എസ്എസ് പുറത്താക്കിയ ആളെയാണ് ചെങ്ങന്നൂരില്‍ ഇലക്ഷന്‍ കമ്മിറ്റി കണ്‍വീനറാക്കിയതെന്നും ഉണ്ണിത്താന്‍ പറഞ്ഞു. തളര്‍ന്ന് കിടന്നവരെപ്പോലും കെപിസിസി അംഗമാക്കിയപ്പോഴും ചിലര്‍ തന്നെ തഴഞ്ഞതായും യോഗത്തില്‍ ഉണ്ണിത്താന്‍ കുറ്റപ്പെടുത്തി.