കോഹ്ലിക്ക് നാലാം സെഞ്ച്വറി; പഞ്ചാബിനെതിരെ റോയല് ചലഞ്ചേഴ്സിന് 82 റണ്സ് വിജയം
Synopsis
നാലാം സെഞ്ച്വറിയുമായി വിരാട് കോഹ്ലി കളം നിറഞ്ഞപ്പോള് ഐപിഎല്ലില് കിങ്സ് ഇലവന് പഞ്ചാബിനെതിരെ ബാംഗ്ലൂര് റോയല് ചലഞ്ചേഴ്സിന് 82 റണ്സ് വിജയം. മഴമൂലം 15 ഓവറാക്കി ചുരുക്കിയ കളിയില് ആദ്യം ബാറ്റ് ചെയ്ത റോയല് ചലഞ്ചേഴ്സ് മൂന്ന് വിക്കറ്റ് നഷ്ടത്തില് 211 റണ്സ് അടിച്ചെടുത്തു. ടോസ് നേടിയ പഞ്ചാബ് ബാംഗ്ലൂരിനെ ബാറ്റിങിനയക്കുകയായിരുന്നു. ഐപിഎല്ലിലെ ഈ സീസണില് നാലാമത്തെ സെഞ്ച്വറിയാണ് ഇന്ന് കോഹ്ലി സ്വന്തം പേരില് എഴുതിച്ചേര്ത്തത്. 47 പന്തിലാണ് കോഹ്ലി 100 റണ്സ് നേടിയത്. 50 പന്തില് 12 ഫോറും എട്ടു സിക്സുമടക്കം 113 റണ്സാണ് മത്സരത്തില് കോഹ്ലി സ്വന്തമാക്കിയത്. ഓപ്പണര് ക്രിസ് ഗെയ്ല് 32 പന്തില് നിന്ന് 73 റണ്സാണ് നേടിയത്. മറുപടി ബാറ്റിങിനിറങ്ങിയ കിങ്സ് ഇലവന് പഞ്ചാബ് 14 ഓവറില് 120 റണ്സെടുത്തു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam