ശമ്പളപരിഷ്കരണം ആവശ്യപ്പെട്ട് ആര്സിസി ജീവനക്കാര് സമരത്തില്
Published : Jan 28, 2019, 03:21 PM IST
Synopsis
ആദ്യഘട്ടത്തില് ഒരു മണിക്കൂർ അധികം ജോലി ചെയ്താണ് പ്രതിഷേധം അറിയിച്ചത്. അടുത്തഘട്ടം ധര്ണ സമരമാണ് ആലോചനയിലുള്ളത്.
തിരുവനന്തപുരം: ശമ്പളപരിഷ്കരണം ആവശ്യപ്പെട്ട് ആര് സി സിയിലെ ജീവനക്കാര് സമരം ആരംഭിച്ചു. അധിക സമയം ജോലി ചെയ്താണ് ജീവനക്കാര് ആദ്യഘട്ട സമരം ആരംഭിച്ചത്. ഏഴാം ശമ്പളകമ്മിഷൻ നടപ്പാക്കി ശമ്പളവര്ധന നല്കണമെന്നതാണ് ജീവനക്കാരുടെ ആവശ്യം. ഇക്കാര്യം പലവട്ടം ആവശ്യപ്പെട്ടിട്ടും മാനേജ്മെന്റ് നടപടി എടുത്തിട്ടില്ല.
ആര് സി സിക്കൊപ്പമുള്ള ശ്രീചിത്ര ആശുപത്രിയില് ഏഴാം ശമ്പളകമ്മിഷൻ അനുസരിച്ചുള്ള വേതനം നല്കി തുടങ്ങിയിട്ട് വര്ഷങ്ങളായെന്നും ജീവനക്കാര് പറയുന്നു. ആദ്യഘട്ടത്തില് ഒരു മണിക്കൂർ അധികം ജോലി ചെയ്താണ് പ്രതിഷേധം അറിയിച്ചത്. അടുത്തഘട്ടം ധര്ണ സമരമാണ് ആലോചനയിലുള്ളത്. ഡോക്ടര്മാര് അടക്കമുളളവര് സമരത്തിൻറെ പാതയിലാണെന്നും സമരക്കാര് വ്യക്തമാക്കി.