മാധ്യമസ്വാതന്ത്ര്യം: ലോകത്ത് ഇന്ത്യയുടെ സ്ഥാനം 133
Synopsis
മുംബൈ: മാധ്യമസ്വാതന്ത്ര്യത്തില് ലോക രാഷ്ട്രങ്ങളുടെ പട്ടികയില് ഇന്ത്യക്ക് 133-മത്തെ സ്ഥാനത്ത്. റിപ്പോര്ട്ടേഴ്സ് വിത്തൗട്ട് ബോര്ഡേഴ്സ് പുറത്തുവിട്ട പട്ടികയില് ഫിന്ലന്ഡാണ് ഒന്നാം സ്ഥാനത്ത്. തുടര്ച്ചയായ ആറാം തവണയാണ് ഫിന്ലന്ഡ് മാധ്യമ സ്വാതന്ത്ര്യത്തില് ഒന്നാം സ്ഥാനത്ത് തുടരുന്നത്.
ഹോളണ്ട്, നോര്വെ എന്നിവയാണ് രണ്ടും മൂന്നും സ്ഥാനങ്ങളില്. 2015ലെ പട്ടികയില് ഇന്ത്യ 136-മത്തെ സ്ഥാനത്തായിരുന്നു. മൂന്നു സ്ഥാനം മുന്നേറിയാണ് ഇന്ത്യ ഇപ്പോള് 133ല് എത്തി നില്ക്കുന്നത്. ഇന്ത്യയുടെ അയല് രാജ്യങ്ങളായ ഭൂട്ടാന്-94 നേപ്പാള്-105, ബംഗ്ലാദേശ്-144 ശ്രീലങ്ക-141 എന്നീ സ്ഥാനങ്ങളിലാണ്. അതേസമയം,
പാക്കിസ്ഥാന് 147-മത്തെ സ്ഥാനത്തും അഫ്ഗാനിസ്ഥാന് 120-മത്തെ സ്ഥാനത്തുമാണ്. അമേരിക്ക 44-മത്ത് സ്ഥാനത്ത് നില്ക്കുമ്പോള്, റഷ്യ 148-മത്തെ സ്ഥാനത്താണ്, ചൈനയുടെ സ്ഥാനം 176 ആണ്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam