അഭ്യൂഹവാര്ത്തകള് തള്ളി നടിയുടെ കുടുംബം
Synopsis
കൊച്ചി: ആക്രമിക്കപ്പെട്ട സംഭവത്തിന് പിന്നില് മറ്റൊരു നടിയ്ക്ക് പങ്കുണ്ടെന്ന തരത്തില് ആരോപണം ഉന്നയിച്ചിട്ടില്ലെന്ന് ആക്രമിക്കപ്പെട്ട നടിയുടെ കുടുംബം. ഒരു പ്രമുഖ നടന് സംഭവത്തില് പങ്കുണ്ടെന്ന സോഷ്യല് മീഡിയ പ്രചാരണത്തിന് പിന്നാലെയാണ് നടിയുടെ കുടുംബം ഇത്തരത്തില് പ്രതികരിച്ചതായി ചില മാധ്യമങ്ങള് വാര്ത്ത നല്കിയത്.
നടനെയല്ല ഒരു നടി ഇതിന് പിന്നിലുള്ളതായി തങ്ങള് സംശയിക്കുന്നുവെന്ന് കുടുംബാംഗങ്ങള് അഭിപ്രായപ്പെട്ടതായായിരുന്നു വാര്ത്ത. എന്നാല് ഈ പ്രചാരണം തെറ്റാണെന്നും തങ്ങള് അത്തരത്തില് ഒരാരോപണം ഉന്നയിച്ചിട്ടില്ലെന്നും നടിയുടെ മാതാപിതാക്കളുമായി അടുത്ത വൃത്തങ്ങള് ഓണ്ലൈന് മാധ്യമമായ സൗത്ത് ലൈവിനോട് പറഞ്ഞതായി റിപ്പോര്ട്ട് ചെയ്തിരിക്കുന്നത്
അതേസമയം സംഭവത്തിലെ മുഖ്യപ്രതി പള്സര് സുനി എന്ന സുനില്കുമാര് ഉള്പ്പെടെ പിടിയിലാകാനുള്ള മൂന്നുപേര് ഹൈക്കോടതിയില് മുന്കൂര് ജാമ്യാപേക്ഷ നല്കി. സുനില്കുമാറിനെ കൂടാതെ മണികണ്ഠന്, ബിജീഷ് എന്നിവരാണ് ജാമ്യാപേക്ഷ നല്കിയത്. കോടതി ഇത് നാളെ പരിഗണിക്കും.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam