സിഡ്ക്കോ മുന്‍ എംഡി സജിബഷീറിനെ തിരിച്ചെടുത്തു

തിരുവനന്തപുരം: നിരവധി വിജിലൻസ് കേസുകളിൽ പ്രതിയായ സിഡ്കോ മുൻ എംഡി സജിബഷീറിനെ സർക്കാർ തിരിച്ചെടുത്തു. കെൽപാം എംഡി ആയാണ് നിയമനം. സജി ബഷീറിന്  ഒരു പൊതുമേഖല സ്ഥാനത്തിലും നിയമനം നൽകില്ലെന്ന്  കാണിച്ച് നേരത്തെ വ്യവസായ വകുപ്പ് ഉത്തരവിറക്കിയിരുന്നു. സജി ബഷീർ ഹൈക്കോടതിയെ വരെ തെറ്റിദ്ധരിപ്പിച്ചെന്നും വ്യവസായ വകുപ്പ് സെക്രട്ടറി  നേരത്തെ നിലപാടെടുത്തിരുന്നു.  നിയമനം നൽകണമെന്നാവശ്യപ്പെട്ട് സജി ബഷീർ ഹൈക്കോടതിയെ സമീപിച്ചിരുന്നു. കോടതി നിർദ്ദേശത്തിന്റെ പശ്ചാത്തലത്തിലാണ് നിയമനമെന്നാണ് സർക്കാർ നൽകുന്ന വിശദീകരണം.