ലി​ഗയുടെ മരണം: മെഡിക്കൽ ബോർഡ് രൂപീകരിക്കുമെന്ന് ഐ.ജി മനോജ് എബ്രഹാം

അതേസമയം ലി​ഗയുടെ മരണത്തെക്കുറിച്ച് അന്വേഷിക്കാനായി പ്രത്യേക അന്വേഷണസംഘം രൂപീകരിച്ചു.

തിരുവനന്തപുരം: തിരുവനന്തപുരത്ത് വച്ച് മരണപ്പെട്ട വിദേശിവനിത ലി​ഗയുടെ പോസ്റ്റ്മോർട്ടം റിപ്പോർട്ട് പരിശോധിക്കാനും വിലയിരുത്താനുമായി മെഡിക്കൽ ബോർഡ് രൂപീകരിക്കുമെന്ന് ഐ.ജി.മനോജ് എബ്രഹാം അറിയിച്ചു. വിവിധ വകുപ്പുകളിലെ വിദ​ഗ്ദ്ധരായ ഡോക്ടർമാരെ ഉൾപ്പെടുത്തി ബോർഡ് രൂപീകരിക്കണം എന്നാവശ്യപ്പെട്ട് മെഡി.കോളേജ് പ്രിൻസിപ്പാളിന് ഐജി കത്ത് നൽകിയിട്ടുണ്ട്. 

അതേസമയം ലി​ഗയുടെ മരണത്തെക്കുറിച്ച് അന്വേഷിക്കാനായി പ്രത്യേക അന്വേഷണസംഘം രൂപീകരിച്ചു.ഐജിയുടെ നേതൃത്വത്തിലുള്ള സംഘത്തിൽ തിരുവനന്തപുരം സിറ്റി പോലീസ് കമ്മീഷണർ, ഡെപ്യൂട്ടി പോലീസ് കമ്മീഷണർ, നാല് ഡിവൈഎസ്പിമാർ, ആറ് സി.ഐമാർ എന്നിവരെ ഉൾപ്പെടുത്തിയിട്ടുണ്ട്. ഫോർട്ട്, കൺട്രോൾ റൂം, ആറ്റിങ്ങൽ, നാർക്കോട്ടിക് സെൽ ഡിവൈഎസ്പിമാരാണ് സംഘത്തിലുള്ളത്.