സസ്പെന്ഷന് കഴിഞ്ഞെത്തിയപ്പോള് ക്ലാസ് എടുത്തില്ല; വിദ്യാര്ത്ഥി ആത്മഹത്യക്ക് ശ്രമിച്ചു
Synopsis
പാലക്കാട്: ഒറ്റപ്പാലം ജവഹർലാൽ നെഹ്റു കോളേജിൽ വിദ്യാർത്ഥി ആത്മഹത്യ ശ്രമം നടത്തി. സസ്പെൻഡ് ചെയ്തതിനാണ് വിദ്യാര്ത്ഥി ആത്മഹത്യ ശ്രമം നടത്തിയത്. പാലക്കാട് സ്വദേശി അര്ഷാദ് ആണ് ക്ലാസ് റൂമിൽ വെച്ചു എലി വിഷം കഴിച്ചത്.
എല്എല്ബി ഒന്നാം വര്ഷ വിദ്യാര്ഥിയാണ് അര്ഷാദ്. ഒരുമാസം മുമ്പ് ക്ലാസ് മുറിയില് വച്ച് മദ്യപിച്ചെന്നാരോപിച്ച് അര്ഷാദടക്കം .ചിലരെ മാനേജ്മെന്റ് സസ്പെന്ഡ് ചെയ്തിരുന്നു. താന് നിരപരാധിയാണെന്ന് അര്ഷാദ് ആവര്ത്തിച്ചു പറഞ്ഞെങ്കിലും അതംഗീകരിക്കാന് മാനേജ്മെന്റ് കൂട്ടാക്കിയിരുന്നില്ല. സുഹൃത്തുക്കളും അര്ഷാദിന്റെ വാദം സത്യമാണെന്ന് പറഞ്ഞെങ്കിലും ഫലമുണ്ടായില്ല. അര്ഷാദിനെ ക്ലാസ്സില് കയറ്റില്ലെന്ന നിലപാടില് മാനേജ്മെന്റ് ഉറച്ചുനിന്നു.
ഇന്ന് രാവിലെ ക്ലാസ്സിലെത്തിയ അര്ഷാദിനോട് ക്ലാസ്സിലിരുന്നാല് പഠിപ്പിക്കില്ലെന്ന് അധ്യാപകര് പറഞ്ഞതായാണ് വിവരം . ഇതേത്തുടര്ന്നാണ് ഇയാള് ക്ലാസില് വെച്ച് എലിവിഷം കഴിച്ച് ആത്മഹത്യക്ക് ശ്രമിച്ചത്.അതേസമയം, അര്ഷാദിനെ ആശുപത്രിയിലെത്തിക്കാന് പോലും കോളേജ് അധികൃതര് തയ്യാറായില്ലെന്നും ആക്ഷേപമുണ്ട്. ഇടവേള സമയത്ത് കുട്ടികള് തന്നെയാണ് അര്ഷാദിനെ വള്ളുവനാടുള്ള ആശുപത്രിയില് എത്തിച്ചത്.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam