അഫ്ഗാനില്‍ തെരഞ്ഞെടുപ്പ് റാലിക്കിടെ ചാവേര്‍ പൊട്ടിത്തെറിച്ചു; 15 മരണം

ഒ​ക്ടോ​ബ​ർ 20 നാണ് അഫ്ഗാന്‍ പാര്‍ലിമെന്‍റിലേക്കുള്ള തിരഞ്ഞെടുപ്പ്. ഇസ്ലാമിക് സ്റ്റേറ്റും താ​ലി​ബാ​നുമടക്കമുളള ഭീകര സംഘടനകള്‍ തെ​ര​ഞ്ഞെ​ടു​പ്പ് ബ​ഹി​ഷ്ക്ക​രി​ക്കണമെന്ന് ആവശ്യപ്പെട്ടിട്ടുണ്ട്. തിരഞ്ഞെടുപ്പ് പ്രവര്‍ത്തനവുമായി മുന്നോട്ട് പോയാല്‍ കനത്ത വില നല്‍കേണ്ടിവരുമെന്നാണ് ഭീഷണി

കാ​ബൂ​ൾ: അ​ഫ്ഗാ​നി​സ്ഥാ​നി​ലെ നന്‍ഗര്‍ഹാറിലാണ് തെ​ര​ഞ്ഞെ​ടു​പ്പ് റാ​ലി​ക്കിടെ ചാ​വേ​ർ ആ​ക്ര​മ​ണ​മുണ്ടായത്. റാലിക്കിടയില്‍ കയറിക്കൂടിയ ചാവേര്‍ പൊട്ടിത്തെറിക്കുകയായിരുന്നുവെന്നാണ് റിപ്പോര്‍ട്ട്. 15 പേര്‍ മരിച്ചെന്നാണ് റിപ്പോര്‍ട്ടുകള്‍.

നാല്‍പ്പതോളം പേ​ർ​ക്ക് പ​രി​ക്കേറ്റിട്ടുണ്ട്. ഇവരെ ആശുപത്രിയിലെത്തിച്ചിട്ടുണ്ടെങ്കിലും പലരുടെയും നില ഗുരുതരമായതിനാല്‍ മരണസംഖ്യ ഉയര്‍ന്നേക്കും. തിരഞ്ഞെടുപ്പില്‍ മ​ത്സ​രി​ക്കു​ന്ന അ​ബ്ദ​ൽ നാ​സ​ർ മു​ഹ​മ്മ​ദി​ന്‍റെ അ​നു​യാ​യി​ക​ൾ കാ​മാ  ജി​ല്ല​യി​ൽ ന​ട​ത്തി​യ റാ​ലി​ക്കിടെയാണ് ചാവേര്‍ ആ​ക്ര​മ​ണം നടന്നത്.

ഒ​ക്ടോ​ബ​ർ 20 നാണ് അഫ്ഗാന്‍ പാര്‍ലിമെന്‍റിലേക്കുള്ള തിരഞ്ഞെടുപ്പ്. ഇസ്ലാമിക് സ്റ്റേറ്റും താ​ലി​ബാ​നുമടക്കമുളള ഭീകര സംഘടനകള്‍ തെ​ര​ഞ്ഞെ​ടു​പ്പ് ബ​ഹി​ഷ്ക്ക​രി​ക്കണമെന്ന് ആവശ്യപ്പെട്ടിട്ടുണ്ട്. തിരഞ്ഞെടുപ്പ് പ്രവര്‍ത്തനവുമായി മുന്നോട്ട് പോയാല്‍ കനത്ത വില നല്‍കേണ്ടിവരുമെന്നാണ് ഭീഷണി.