കൊച്ചി: കൊച്ചി അന്താരാഷ്ട്ര വിമാനത്താവളത്തിലെ കാർഗോ കെട്ടിടത്തിൽ കയറി ഗൾഫിൽ നിന്നെത്തിയ യാത്രക്കാരന്‍റെ ആത്മഹത്യാ ഭീഷണി. തിരുവനന്തപുരം പൂന്തുറ സ്വദേശി സുരേഷാണ് ഒരു മണിക്കൂറോളം വിമാനത്താവളത്തിലുള്ളവരെ ആശങ്കയിലാഴ്ത്തിയത്. തന്നെ ഗൾഫിലെ ജോലിയിൽ നിന്ന് കാരണമില്ലാതെ പറഞ്ഞ് വിട്ടതാണെന്നും പ്രശ്നപരിഹാരത്തിന് കളക്ടർ ഇടപെടണമെന്നുമായിരുന്നു ഇയാളുടെ ആവശ്യം. ഒടുവിൽ പൊലീസും ഫയർഫോഴ്സും എത്തി അനുനയിപ്പിച്ചാണ് ഇയാളെ താഴെയിറക്കിയത്.