സ്വകാര്യ മെഡിക്കൽ കോളജുകളിലെ പ്രവേശനം: ഇന്ന് സുപ്രീംകോടതി ഉത്തരവിറക്കിയേക്കും

കേരളത്തിലെ നാല് സ്വകാര്യ മെഡിക്കൽ കോളജുകളിലെ പ്രവേശനം ചോദ്യം ചെയ്ത് മെഡിക്കൽ കൗണ്‍സിൽ ഓഫ് ഇന്ത്യ നൽകിയ ഹര്‍ജിയിൽ ഇന്ന് സുപ്രീംകോടതി ഉത്തരവിറക്കിയേക്കും. ഇന്നലെ കേസ് പരിഗണിച്ചെങ്കിലും സമയപരിമിതിമൂലം ഇന്ന് പരിഗണിക്കാനായി മാറ്റിവെക്കുകയായിരുന്നു. തൊടുപുഴ അൽ അസര്‍, ഡി.എം.വയനാട്, പാലക്കാട് പി.കെ.ദാസ്, വര്‍ക്കല എസ്.ആര്‍ കോളേജുകളിലെ പ്രവേശന നടപടികളാണ് കോടതി പരിശോധിക്കുന്നത്. ഈ കോളേജുകൾക്ക് നിലവാരമില്ലെന്നാണ് മെഡിക്കൽ കൗണ്‍സിൽ ഓഫ് ഇന്ത്യയുടെ വാദം. ഇതിനിടെ, സ്പോട്ട് അഡ്മിഷൻ തിയതി പുനക്രമീകരിച്ചു. ശനി, ഞായർ ദിവസങ്ങളിൽ തിരുവനന്തപുരം മെഡിക്കൽ കോളേജിൽ വച്ചാണ് അഡ്മിഷൻ. കോളേജുകൾ ,സീറ്റുകൾ എന്നിവ നിശ്ചയിക്കുക പുതിയ വിജ്ഞാപന പ്രകാരമായിരിക്കും.