വനിതാ കേണലിനെ ബ്ലാക്ക് മെയില് ചെയ്തു; ഐ.എസ്.ഐ ഏജന്റെന്ന് സംശയിക്കപ്പെടുന്നയാള് അറസ്റ്റില്
Synopsis
ദില്ലി: പാകിസ്ഥാന് ചാര സംഘടനയായ ഐ.എസ്.ഐയുടെ ഏജന്റെന്ന് സംശയിക്കപ്പെടുന്ന ഒരാളെ ദില്ലി പൊലീസ് അറസ്റ്റ് ചെയ്തു. കരസേനയിലെ വനിതാ കേണലിനെ ബ്ലാക് മെയില് ചെയ്യാന് ശ്രമിച്ചെന്ന പരാതിയിലാണ് മുഹമ്മദ് പര്വേസ് എന്നയാള് അറസ്റ്റിലായത്.
പ്രതിരോധ സംവിധാനങ്ങളുമായി ബന്ധപ്പെട്ട രഹസ്യ വിവരങ്ങള് ശേഖരിച്ച് നല്കണമെന്നും അല്ലെങ്കില് മോര്ഫ് ചെയ്ത നഗ്ന ചിത്രങ്ങള് സാമൂഹിക മാധ്യമങ്ങള് വഴി പ്രചരിപ്പിക്കുമെന്നും ഭീഷണിപ്പെടുത്തിയെന്ന് കാണിച്ചാണ് വനിതാ കേണല് ദില്ലി പൊലീസിന് പരാതി നല്കിയത്. തുടര്ന്ന് അന്വേഷണം നടത്തിയ പൊലീസ് സ്പെഷ്യല് സെല് ഇയാളെ പിടികൂടുകയായിരുന്നു. ഇയാള്ക്കൊപ്പമുണ്ടായിരുന്ന മൂന്ന് പേരെ കൂടി പിടികൂടാനുണ്ടെന്നും പൊലീസ് അറിയിച്ചു. രണ്ട് മൊബൈല് നമ്പറുകളും ഇക്ത ശര്മ്മ എന്ന പേരിലുള്ള ഒരു ഫേസ്ബുക്ക് ഐ.ഡിയും ചൂണ്ടിക്കാട്ടിയാണ് കേണല് പരാതി നല്കിയത്. ഫേസ്ബുക്ക് മെസേജ് വഴി നഗ്ന ചിത്രങ്ങള് മോര്ഫ് ചെയ്ത് അയച്ചുവെന്നും പരാതിയില് പറയുന്നു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam