ജയലളിതയുടെ ആരോഗ്യസ്‌ഥിതി സംബന്ധിച്ച വ്യക്തമാക്കണമെന്ന് മദ്രാസ് ഹൈക്കോടതി

ജയലളിതയുടെ ആരോഗ്യസ്‌ഥിതിയെക്കുറിച്ച് അറിയാൻ ജനങ്ങൾക്ക് അവകാശമുണ്ടെന്ന് ഹർജി പരിഗണിക്കവേ ഹൈക്കോടതി പറഞ്ഞു. ഇക്കാര്യത്തിൽ ആശുപത്രിയുടെ മെഡിക്കൽ ബുള്ളറ്റിനുകളല്ല വേണ്ടത്. സംസ്‌ഥാന സർക്കാരിന്റെ വിശദീകരണമാണ് ആവശ്യമെന്നും കോടതി വ്യക്‌തമാക്കി. മുഖ്യമന്ത്രിയുടെ ആരോഗ്യനില തൃപ്തികരമെന്ന് മറുപടിയായി തമിഴ്നാട് സർക്കാർ ഹൈക്കോടതിയെ അറിയിച്ചു.

ജയലളിതയുടെ ആരോഗ്യനില മോശമായ സാഹചര്യത്തിൽ സംസ്‌ഥാനത്തെ ഭരണം സംബന്ധിച്ച് കേന്ദ്രസർക്കാർ ഗവർണർ സി. വിദ്യാസാഗർ റാവുവിനോട് വിശദീകരണം തേടിയിരുന്നു. കേന്ദ്രസർക്കാരിന്‍റെ നിർദേശപ്രകാരം ഗവർണറും മന്ത്രി പൊൻ രാധാകൃഷ്ണനും മുഖ്യമന്ത്രിയെ ആശുപത്രിയിൽ സന്ദർശിച്ചിരുന്നു. എന്നാൽ ജയലളിതയുടെ ആരോഗ്യനിലയെ കുറിച്ചുള്ള വ്യക്‌തമായ വിവരങ്ങൾ ഇവർ പുറത്തുവിട്ടിരുന്നില്ല.