കൊച്ചി: മുനമ്പം കുഴുപ്പിള്ളി പള്ളത്താംകുളങ്ങര ബീച്ചിൽ കുളിക്കാനിറങ്ങിയ രണ്ട് പേരെ കാണാതായി. ആഷിക്ക്(18) അയ്യപ്പദാസ്(19) എന്നിവരെയാണ് കാണാതായത്. സഹോദരങ്ങളുമായി ബീച്ചിൽ കുളിക്കുന്നതിനിടയില്‍ തിരമാലയില്‍പ്പെടുകയായിരുന്നു ഇരുവരും. പൊലീസിന്റെയും ഫയർ ഫോഴ്സിന്റെയും നേതൃത്വത്തിൽ തെരച്ചിൽ തുടരുകയാണ്.
കോഴിക്കോട് നാദാപുരം വിഷ്ണുമംഗലത്ത് പുഴയിൽ കുളിക്കാനിറങ്ങിയ വിദ്യാർത്ഥി മുങ്ങി മരിച്ചു. ജാതിയേരി പുള്ളച്ചാണ്ടി മുഹമ്മദ് (17) ആണ് മരിച്ചത്. വാളയാര്‍ ഡാമില്‍ കുളിക്കാനിറങ്ങിയ തമിഴ്നാട് സ്വദേശി മുങ്ങി മരിച്ചു. അവധി ആഘോഷിക്കാൻ എത്തിയ 9 അംഗസംഘത്തില്‍പ്പെട്ട കോയമ്പത്തൂർ സിങ്കനെല്ലൂർ സ്വദേശി അരുൺകുമാറാണ് കുളക്കാനിറങ്ങുന്നതിനിടെ ഡാമിൽ അകപ്പെട്ടത്. അഗ്നിശമനസേനയും പൊലീസും നടത്തിയ തെരച്ചിലിൽ ആണ് മൃതദേഹം കണ്ടെടുത്തത്.