പ്രളയക്കെടുതിയില്‍ താങ്ങായവര്‍ക്ക് ഹൃദയം നിറയുന്ന കാഴ്ചയുമായി കൊച്ചി

യുവതികളെ രക്ഷപ്പെടുത്തിയ കൊച്ചിയിലെ വീടിന്‍റെ ടെറസില്‍ കണ്ടത് കണ്ണ് നിറയ്ക്കുന്ന കാഴ്ച

കൊച്ചി: കേരളത്തിനെ ചരിത്രത്തിലെ വലിയ ദുരന്തത്തിലെത്തിച്ച പ്രളയ ജലം വറ്റി തുടങ്ങി. ലക്ഷക്കണക്കിന് ജനങ്ങളെ രക്ഷപ്പെടുത്തി ദുരിതാശ്വാസ ക്യാംപുകളിലേക്ക് മാറ്റി. കേരളത്തിലെ മത്സ്യത്തൊഴിലാളികളും സൈന്യവും മറ്റ് ജനങ്ങളും ചേര്‍ന്ന് നടത്തിയ രക്ഷാപ്രവര്‍ത്തനം ഇപ്പോഴും തുടരുകയാണ്.

ഇതിനിടെ രണ്ട് യുവതികളെ രക്ഷപ്പെടുത്തിയ കൊച്ചിയിലെ വീടിന്‍റെ ടെറസില്‍ നന്ദി അറിയിച്ചുകൊണ്ടുള്ള ചിത്രം എഎന്‍ഐ പുറത്തുവിട്ടു. ടെറസിന്‍റെ മുകളില്‍ വെള്ള നിറത്തില്‍ താക്സ് എന്ന് എഴുതിയ ചിത്രമാണ് എഎന്‍ഐ ട്വീറ്റ് ചെയ്തിരിക്കുന്നത്. ഓഗസ്റ്റ് 17നാണ് ഈ ടെറസിന് മുകളില്‍ ഒറ്റപ്പെട്ടിരുന്ന രണ്ട് യുവതികളെ നേവല്‍ ഹെലികോപ്റ്റര്‍ പൈലറ്റ് സിഡിആര്‍ വര്‍മ രക്ഷപ്പെടുത്തിയത്.