പൂര്വ വിദ്യാര്ഥികളും പ്രവാസികളും കൈതാങ്ങായി, സര്ക്കാര് സ്കൂളിന് പുതുമോടി
Synopsis
കോഴിക്കോട്: പൂര്വ വിദ്യാര്ഥികളും പ്രവാസികളും മനസുവച്ചപ്പോള് സര്ക്കാര് സ്കൂളിന് പുതുമോടി. താമരശേരി ചെമ്പ്ര ഗവ.എല്.പി. സ്കൂളിലെ ക്ലാസ് റൂമുകളാണ് നാട്ടുകാരുടെ കൂട്ടായ്മയില് നവീകരിച്ചത്. ഈ സ്കൂളിലെ ക്ലാസ് റൂമുകളിലെ പൊടിശല്യം മൂലം വിദ്യാര്ഥികള്ക്കുള്ള പ്രയാസം മനസിലാക്കിയ പൂര്വ വിദ്യാര്ഥികളും പ്രവാസികളും അധ്യാപകരും രക്ഷിതാക്കളും ചേര്ന്ന് സ്കൂള് വികസന സമിതിയുണ്ടാക്കി രംഗത്തിറങ്ങുകയും രണ്ട് ലക്ഷത്തോളം രൂപ സമാഹരിച്ച് നവീകരണ പ്രവൃത്തിക്ക് തുടക്കംകുറിക്കുകയായിരുന്നു.
എസ്എസ്എയുടെ ഒരു ലക്ഷം രൂപയും കൂടി ലഭിച്ചതോടെ പദ്ധതി ശരിയായ രീതിയില് പൂര്ത്തിയാക്കി. ആദ്യ ഘട്ടത്തില് എല്ലാ ക്ലാസ് റൂമുകളും വരാന്തകളും കോണിപ്പടികളും ഓഫിസ് റൂമുമെല്ലാം ഗുണനിലവാരമുള്ള ടൈലുകള് പാകുകയും പെയിന്റ് ചെയത് വൃത്തിയാക്കുകയും ചെയ്തു. ഇതോടെ പൊടിശല്യമില്ലാത്ത ക്ലാസ് മുറികളിലിരുന്ന് വിദ്യാര്ഥികള്ക്ക് പഠിക്കാനുള്ള സൗകര്യങ്ങളാണ് ഒരുങ്ങിയത്. ക്ലാസ് റൂമുകള് നവീകരിച്ചതിന്റെ ഉദ്ഘാടനം എസ്എസ്എ ജില്ലാ പ്രൊജക്റ്റ് ഓഫിസര് എം. ജയകൃഷ്ണന് നിര്വ്വഹിച്ചു. പിടിഎ പ്രസിഡന്റ് പി.കെ. സത്യന് അധ്യക്ഷതവഹിച്ചു. താമരശേരി എഇഒ മുഹമ്മദ് അബ്ബാസ് മുഖ്യതിഥിയായിരുന്നു. ബിആര്സിയുടെ പ്രാദേശിക പഠനകേന്ദ്രത്തിന്റെ ഉദ്ഘാടനം വാര്ഡ് മെംബര് അഡ്വ.ഒ.കെ. അഞ്ജുവും ക്ലാസ് ലൈബ്രറികളുടെ ഉദ്ഘാടനം ബിപിഒ. വി.എം. മെഹറലിയും നിര്വഹിച്ചു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam