എസ്ബിഐ ശാഖ ആക്രമിച്ച സംഭവം; കീഴടങ്ങിയ എന്ജിഒ യൂണിയന് നേതാക്കളെ റിമാന്ഡ് ചെയ്തു
Synopsis
പണിമുടക്ക് ദിവസം തിരുവനന്തപുരത്തെ എസ്ബിഐ ശാഖ ആക്രമിച്ച കേസില് കീഴടങ്ങിയ എന്ജിഒ യൂണിയന് നേതാക്കളെ റിമാന്ഡ് ചെയ്തു.
തിരുവനന്തപുരം: പണിമുടക്ക് ദിവസം തിരുവനന്തപുരത്തെ എസ്ബിഐ ശാഖ ആക്രമിച്ച കേസില് കീഴടങ്ങിയ എന്ജിഒ യൂണിയന് നേതാക്കളെ റിമാന്ഡ് ചെയ്തു. പതിനാല് ദിവസത്തേക്കാണ് കീഴടങ്ങിയ ആറുപേരെ റിമാന്ഡ് ചെയ്തത്. എന്ജിഒ യൂണിയന് സംസ്ഥാന കമ്മിറ്റി അംഗങ്ങളായ സുരേഷ് ബാബു, ശ്രീവത്സന്, ജില്ലാ ഏരിയാ നേതാക്കളായ അനില്കുമാര്, ബിനുരാജ്, ബിനുകുമാര്, സുരേഷ് എന്നിവരാണ് കന്റോണ്മെന്റ് പൊലീസ് സ്റ്റേഷനില് ഇന്നലെ കീഴടങ്ങിയത്.
ബാങ്ക് ആക്രമിച്ച സംഘത്തില് ഉണ്ടെന്ന് പൊലീസ് കരുതുന്ന അജയകുമാര് ഒളിവിലാണ്. എന്നാല് അജയകുമാറിന് സംഭവവുമായി ബന്ധമില്ലെന്നാണ് കീഴടങ്ങിയവര് മൊഴിനല്കിയിരിക്കുന്നത്. ദേശീയ പണിമുടക്കിന്റെ രണ്ടാം ദിവസം എസ്ബിഐ ശാഖ അടിച്ചു തകര്ത്തകേസില് നേരത്തെ അറസ്റ്റിലായ അശോകനും ഹരിലാലും ഇപ്പോള് റിമാന്റിലാണ്. അക്രമത്തില് ഒന്നരലക്ഷം രൂപയുടെ നഷ്ടമാണുണ്ടായത്.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam