റോഡ്​ മുറിച്ചു കടക്കുമ്പോള്‍ ഒഴുകി വന്ന വാഹനങ്ങൾക്കിടയിൽ ​പെട്ട്​ മൂന്നു മരണം

ജയ്​പൂർ: വെള്ളം പൊങ്ങിയ റോഡ്​ മുറിച്ചു കടക്കാൻ​ ശ്രമിക്കവെ ഒഴുകി വന്ന വാഹനങ്ങൾക്കിടിയിൽ ​പെട്ട്​ എട്ടുവയസുകാരനുൾപ്പെടെ മൂന്നു ​പേർ മരിച്ചു. രാജസ്​ഥാനിലെ ബാർമറിൽ വ്യാഴാഴ്​ച രാത്രി ഒമ്പതുമണിയോടു കൂടിയാണ്​ സംഭവമെന്ന് ഹിന്ദുസ്ഥാന്‍ ടൈംസ് റിപ്പോര്‍ട്ട് ചെയ്യുന്നു. ഒരു കുട്ടി ഉള്‍പ്പെടെ മൂന്നു പേരാണ് മരിച്ചത്. സുവ ദേവി, തികമ രാം എന്നിവരും ദിനേശ്​ എന്ന എട്ടു വയസുകാരനുമാണ്​ മരിച്ചത്​.

മൂന്ന്​ എസ്​ യു വികളും ഒരു പിക്കപ്​ വാനുമാണ്​ ഒഴുകിപ്പോയത്​. ഇവയിൽ സഞ്ചരിച്ചിരുന്ന 37 പേരെ ​പൊലീസ്​ രക്ഷപ്പെടുത്തിയിരുന്നു. സമീപത്തെ മലയുടെ മുകളിൽ നിന്നുള്ള വെള്ളത്തി​​​െൻറ കുത്തൊഴുക്കാണ്​ വെള്ളപ്പൊക്കത്തിനിടയാക്കിയത്​.

സാധാരണയായി മഴക്കാലത്ത്​ മലവെള്ളം റോഡു വഴി ഒഴ​ുകിപ്പോകാറുണ്ട്​. എന്നാൽ ഇത്ര ശക്​തമായ ഒഴൂക്ക്​ ഉണ്ടാകാറില്ലെന്ന്​ നാട്ടുകാർ പറയുന്നു. നാലടി ഉയരത്തിൽ വെള്ളം പൊങ്ങിയിതിനാല പ്രദേശത്ത്​ വാഹന ഗതാഗതം നിരോധിച്ചിരിക്കുകയായിരുന്നു. ഒരു ബസ്​ വെള്ളം നിറഞ്ഞ റോഡ്​ മുറിച്ചു കടന്ന്​ പോയിരുന്നു. തുടര്‍ന്ന് ചെറിയ വാഹനങ്ങളും റോഡ് മുറിച്ചു കടക്കാന്‍ഡ ശ്രമിച്ചതാണ് അപകടത്തിനു കാരണമെന്ന് പൊലീസ് പറയുന്നു.