ഈ സ്കൂളിലെ യൂണിഫോം ഇത്ര ചര്‍ച്ചയാകുന്നതിന്‍റെ കാരണം ഇതാണ്!

ടോക്കിയോ: ജപ്പാനിലെ ഒരു സ്കൂളിലെ യൂണിഫോമാണ് ഇപ്പോള്‍ സാമൂഹിക മാധ്യമങ്ങളിലും പ്രധാന ചര്‍ച്ചാ വിഷയം. യൂണിഫോമിനെ കുറിച്ച് ഇത്ര ചര്‍ച്ച മാത്രം എന്താണ് എന്നല്ലേ! അതിന്റെ വിലയാണ് ചര്‍ച്ച വിഷയം. ടോക്കിയോവിലെ തായ്​മെയ്​ എലിമെന്‍റി സ്​കൂളാണ്​ ഭീമൻ തുക യൂണിഫോമിനായി ഇൗടാക്കി വാർത്തകളിൽ നിറയുന്നത്​. ഏകദേശം 48,000 രൂപയാണ് യൂണിഫോമിനായി ഒരു കുട്ടി നൽകേണ്ടത്​.

ഇറ്റാലിയൻ ആഢംബര വസ്​ത്ര ബ്രാൻഡായ അരമാനിയാണ്​ സ്​കൂളിനായി യൂനിഫോം ഡിസൈൻ ചെയ്​തത്​. യൂണിഫോം ​, ബാഗ്​, തൊപ്പി എന്നിവയടങ്ങുന്ന സെറ്റാണ്​ വിതരണം ചെയ്യുന്നത്​​. യൂണിഫോമിൽ സ്​കൂൾ ​ഐഡൻറിറ്റി നിലനിർത്തുകയും കുട്ടികളുടെ ഫാഷൻ സങ്കൽപ്പങ്ങളിൽ വിട്ടുവീഴ്​ച ചെയ്യാതിരിക്കുന്നതിനും വേണ്ടിയാണ്​ അരമാനിയെ കൊണ്ട്​ യൂണിഫോം ഡിസൈൻ ചെയ്യിച്ചതെന്നാണ്​ സ്​കുളി​ന്‍റെ പക്ഷം.

എന്നാൽ, പുതിയ യൂണിഫോം എല്ലാ വിദ്യാർഥികൾക്കും നിർബന്ധമാക്കിയിട്ടില്ല. യൂണിഫോം വാങ്ങാൻ ശേഷിയുള്ളവരുടെ രക്ഷിതാക്കൾ മാത്രം പുതിയതിലേക്ക്​ മാറിയാൽ മതിയാകും. പാവപ്പെട്ടവർക്ക്​ വേണ്ടിയല്ല തങ്ങളുടെ പുതിയ യൂണിഫോമെന്ന്​ അരമാനിയും വ്യക്​തമാക്കുന്നു.