മഹാരാഷ്ട്രയിലേക്ക് പോയ ട്രെയിന് എത്തിയത് മധ്യപ്രദേശില്
Synopsis
ദില്ലി: റോഡ് യാത്രയില് വഴിതെറ്റിപ്പോവുന്നത് പുതുമയല്ല. എന്നാല് വഴി തെറ്റിയത് ട്രെനിനിനായാലോ. അതും പത്തോ ഇരുപതോ കിലോ മീറ്ററൊന്നുമല്ല. 160 കിലോ മീറ്റര് അങ്ങനെ മഹാരാഷ്ട്രയിലേക്ക് പോയ ട്രെയിന് എത്തിയതോ മധ്യപ്രദേശിലും. തെറ്റായി ലഭിച്ച സിഗ്നലാണ് ട്രെയിന് വഴി തെറ്റാന് കാരണമെന്നാണ് റെയില്വെ പറയുന്നത്.
ഡല്ഹിയിലെ ജന്തര്മന്തറില് നടന്ന കിസാന് യാത്രയില് പങ്കെടുത്തു മടങ്ങിയ രാജസ്ഥാനിലേയും മഹാരാഷ്ട്രയിലേയും ആയരത്തി അഞ്ഞൂറോളം കര്ഷകരാണ് റെയില്വേയുടെ ഭാഗത്തു നിന്നുണ്ടായ അനാസ്ഥയില് വലഞ്ഞത്. ഇവരെ എന്തു ചെയ്യണമെന്നറിയാതെ കുഴഞ്ഞിരിക്കുകയാണ് റെയില്വെ അധികൃതരിപ്പോള്.
ചൊവ്വാഴ്ച രാത്രി പത്തുമണിക്കാണ് ട്രെയിന് ഡല്ഹിയിലെ സഫ്ദര്ജങ് സ്റ്റേഷനില് നിന്ന് പുറപ്പെട്ടത്. ബുധനാഴ്ച രാവിലെ ആറുമണിക്ക് യാത്രക്കാര് ഉണര്ന്നപ്പോള് ട്രെയിന് മധ്യപ്രദേശിലെ ഗ്വാളിയോറിനടുത്തുള്ള ബാന്മോര് സ്റ്റേഷനിലെത്തിയിരുന്നു. വഴി തെറ്റിയത് അറിഞ്ഞയുടന് ട്രെയിന് അവിടെ നിര്ത്തിയിട്ടു.
ആഗ്ര കഴിഞ്ഞ് രാജസ്ഥാനിലെ കോട്ടയിലേക്കായിരുന്നു പോകേണ്ടിയിരുന്നത്. എന്നാല് മഥുര സ്റ്റേഷനില് നിന്നും തെറ്റായ സിഗ്നല് ലഭിച്ചതോടെയാണ് ട്രെയിന് വഴി തെറ്റിയതെന്ന് ഡ്രൈവര് യാത്രക്കാരോട് പറഞ്ഞു. 1494 യാത്രക്കാരില് 200 പേര് സ്ത്രീകളാണ്. ലക്ഷങ്ങള് കൊടുത്താണ് കര്ഷക സംഘടന ട്രെയിന് ബുക്കു ചെയ്തത്. ബുധനാഴ്ച വൈകിട്ട് കോല്ഹാപ്പുരില് എത്തേണ്ടിയിരുന്ന ട്രെയിന് മണിക്കൂറുകള് വൈകി വ്യാഴാഴ്ചരാവിലെ മാത്രമേ ഇനി ലക്ഷ്യസ്ഥാനത്ത് എത്തൂ.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam