മുഖ്യമന്ത്രിക്കെതിരെ ഫേസ്ബുക്ക് പോസ്റ്റ്; ദേവസ്വം ബോര്ഡ് ജീവനക്കാരന് സസ്പെന്ഷന്
Synopsis
മുഖ്യമന്ത്രി പിണറായി വിജയന്റെയും ദേവസ്വം മന്ത്രി കടകംപള്ളി സുരേന്ദ്രന്റെയും ചിത്രം എഡിറ്റ് ചെയ്ത് മാറ്റം വരുത്തി അപകീര്ത്തിപരമായ പരാമര്ശങ്ങളോടെ വിഷ്ണു ഫേസ്ബുക്കില് പോസ്റ്റിടുകയും ഇത് വ്യാപകമായി പ്രചരിപ്പിക്കുകയും ചെയ്തിരുന്നു
തിരുവനന്തപുരം: മുഖ്യമന്ത്രി പിണറായി വിജയനെയും ദേവസ്വം മന്ത്രി കടകംപള്ളി സുരേന്ദ്രനെയും അപകീര്ത്തിപ്പെടുത്തുന്ന തരത്തില് ഫേസ്ബുക്കില് പോസ്റ്റിട്ട ദേവസ്വം ബോര്ഡ് ജീവനക്കാരന് സസ്പെന്ഷന്. തിരുവിതാംകൂര് ദേവസ്വം ബോര്ഡിന്റെ കീഴില് വരുന്ന തിരുവനന്തപുരം കഠിനകുളം ക്ഷേത്രത്തിലെ പഞ്ചവാദ്യം ജീവനക്കാരനായ വിഷ്ണു അനിക്കുട്ടനെയാണ് ദേവസ്വം കമ്മീഷണര് സസ്പെന്ഡ് ചെയ്തത്.
മുഖ്യമന്ത്രി പിണറായി വിജയന്റെയും ദേവസ്വം മന്ത്രി കടകംപള്ളി സുരേന്ദ്രന്റെയും ചിത്രം എഡിറ്റ് ചെയ്ത് മാറ്റം വരുത്തി അപകീര്ത്തിപരമായ പരാമര്ശങ്ങളോടെ വിഷ്ണു ഫേസ്ബുക്കില് പോസ്റ്റിടുകയും ഇത് വ്യാപകമായി പ്രചരിപ്പിക്കുകയും ചെയ്തിരുന്നു.
ഇത് ശ്രദ്ധയില്പ്പെട്ടതോടെയാണ് വിഷ്ണുവിനെ സസ്പെന്ഡ് ചെയ്തതതെന്ന് ദേവസ്വം ബോര്ഡ് പിആര്ഒ സുനില് അരുമാനൂര് വാര്ത്താക്കുറിപ്പില് അറിയിച്ചു.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam