'ഇള്ളോളം താമസിച്ചെങ്കിലും വന്നല്ലോ'; ബ്രസീലിന്‍റെ കണ്ണീര്‍; ആഘോഷമാക്കി ട്രോളര്‍മാര്‍

ട്രോളുകളിലെ നര്‍മ്മം ശ്രദ്ധേയമാണെന്ന് പറയാതെ വയ്യ

തിരുവനന്തപുരം: കാല്‍പന്ത് ആരാധകരുടെ ആഘോഷക്കാലമാണ് ലോകകപ്പ്. എന്നാല്‍ ഇക്കുറി മറ്റൊരു കൂട്ടര്‍ കൂടി ലോകകപ്പ് ആഘോഷമാക്കിയിട്ടുണ്ട്. സമകാലിക വിഷയങ്ങളിലെല്ലാം ശക്തമായ നിലപാടും ചിരിയും ചിന്തയും പടര്‍ത്തുന്ന ട്രോളര്‍മാര്‍ ലോകകപ്പിനിടിയിലും രസകരവും ചിന്തിപ്പിക്കുന്നതുമായ ട്രോളുകളുമായി കളം നിറഞ്ഞിട്ടുണ്ട്.

ആദ്യ മത്സരം മുതല്‍ ട്രോളാഘോഷം പൊടിപൊടിക്കുകയാണ്. ജര്‍മനി, അര്‍ജന്‍റീന, സ്പെയിന്‍ ടീമുകളുടെ പുറത്താകലും നെയ്മറിന്‍റെ പമ്പരം പോലുള്ള കറക്കവും വീഴ്ചയും സ്പെയിനിന്‍റെ ആയിരും പാസുമെല്ലാം ആഘോഷിച്ച ട്രോളര്‍മാര്‍ ഇപ്പോള്‍ ബെല്‍ജിയത്തിന് മുന്നില്‍ കണ്ണീരണിഞ്ഞ് പുറത്തായ നെയ്മറിനെയും സംഘത്തിനെയുമാണ് ഏറ്റെടുത്തിരിക്കുന്നത്.

അര്‍ജന്‍റീന പുറത്തായതോടെ അവരുടെ ആരാധകര്‍ ബ്രസീലിന്‍റെ പരാജയം കാണാന്‍ കാത്തിരുക്കുകയാണെന്ന് നേരത്തെ തന്നെ ട്രോളുകള്‍ പ്രത്യക്ഷപ്പെട്ടിരുന്നു. ഇന്നലെ ബെല്‍ജിയത്തിന് മുന്നില്‍ പരാജയപ്പെട്ടതോടെ ഇള്ളോളം താമൈയ്ച്ചെങ്കിലും ബ്രസീലും വന്നല്ലോ എന്ന തരത്തിലാണ് ട്രോളുകള്‍. ട്രോളുകളിലെ നര്‍മ്മം ശ്രദ്ധേയമാണെന്ന് പറയാതെ വയ്യ.