വാളയാർ സഹോദരിമാരുടെ മരണം; ആത്മഹത്യയെന്ന് പൊലീസ്

പാലക്കാട്: വാളയാർ സഹോദരിമാരുടെ മരണം ആത്മഹത്യയെന്ന് പൊലീസ് . കൊലപാതകമെന്ന് സ്ഥിരീകരിക്കാൻ മതിയായ തെളിവുകളില്ലെന്ന് മനുഷ്യാവകാശ കമ്മീഷന് എസ്‍പിയുടെ റിപ്പോർട്ട് . റിപ്പോർട്ടിന്‍റെ പകർപ്പ് ഏഷ്യാനെറ്റ് ന്യൂസിന് ലഭിച്ചു. ഫോറൻസിക് പരിശോധനാഫലത്തിനായി കാത്തിരിക്കുകയാണെന്നും പൊലീസ് .

അട്ടപ്പളം സ്വദേശികളായ ഋതിക(11) ശരണ്യ (9) എന്നീ സഹോദരികളെ കഴിഞ്ഞ ജനുവരി, മാര്‍ച്ച് മാസങ്ങളിലായി ദുരൂഹ സാഹചര്യത്തില്‍ വീടിനുള്ളില്‍ തുങ്ങിമരിച്ച നിലയിൽ ക​ണ്ടെത്തിയത്​. പെൺകുട്ടികൾ ​ലൈംഗികബപീഡനത്തിന്​ ഇരയായിട്ടുള്ളതായി പോസ്​റ്റ്​ ​മോർട്ടം റിപ്പോർട്ടിൽ വ്യക്തമാക്കിയിരുന്നു. കൊലപാതകവുമായി ബന്ധപ്പെട്ട് കുട്ടികളുടെ ബന്ധുവും അയൽവാസിയുമുൾപ്പെടെ  അഞ്ച് പേർ അറസ്റ്റിലാവുകയും ചെയ്​തിരുന്നു.

എന്നാൽ, പെൺകുട്ടികളുടെ മരണം  കൊലപാതകമാണെന്ന് തെളിയിക്കാനാവശ്യമായ തെളിവുകൾ അന്വേഷണ അന്വേഷണ സംഘത്തിന് ലഭിച്ചിട്ടില്ലെന്നാണ്​ പൊലീസ്​ റിപ്പോർട്ട്​.