വരാപ്പുഴ വീടാക്രമണ കേസ്: മൂന്ന് പ്രതികളെ ക്രൈംബ്രാഞ്ചിന് വിട്ടു

കൊച്ചി: വരാപ്പുഴയിലെ വാസുദേവന്‍റെ വീടാക്രമണ കേസിൽ റിമാൻഡിൽ കഴിയുന്ന മൂന്ന് പ്രതികളെ ക്രൈംബ്രാഞ്ച് സംഘത്തിന്‍റെ കസ്റ്റഡിയിൽ വിട്ടു. തുളസീദാസ് എന്നു വിളിക്കുന്ന ശ്രീജിത്ത്, വിപിൻ, കെ.വി.അജിത് എന്നിവരെയാണ് ആലുവ  മജിസ്ട്രേറ്റ് കോടതി ചോദ്യം ചെയ്യുന്നതിനായി ഈ മാസം പതിനൊന്ന് വരെ  കസ്റ്റഡിയിൽ  വിട്ടു നൽകിയത്.

പറവൂര്‍ മജിസ്ട്രേറ്റിന്‍റെ അധിക ചുമതല വഹിക്കുന്ന ആലുവ മജിസ്ട്രേറ്റാണ് കേസ് പരിഗണിച്ചത്. വാസുദേവന്‍റെ   വീട്ക്രമിച്ച സംഘത്തിൽ എത്രപേരുണ്ടെന്ന് വ്യക്തമാകാൻ പ്രതികളെ ചോദ്യം ചെയ്യണമെന്നായിരുന്നു അന്വേഷണ സംഘത്തിന്‍റെ നിലപാട്.