അന്ന് നടന്നതെന്ത്? പിണറായിയുടെ 'പ്രത്യേക ഏക്ഷൻ' തത്സമയം കണ്ട എ.കെ.ബാലൻ പറയുന്നു...

ഏഷ്യാനെറ്റ് ന്യൂസിന്റെ ഓണം പ്രത്യേക പരിപാടിയായ 'ബബിള്‍ ഗമ്മില്‍' സംസാരിക്കുകയായിരുന്നു അദ്ദേഹം.

പിണറായി വിജയന്‍ ഒരിക്കല്‍ വാര്‍ത്താ സമ്മേളനത്തില്‍ വിവരിച്ച 'പ്രത്യേക ഏക്ഷന്‍' തത്സമയം കണ്ട അനുഭവവും അന്നത്തെ സംഭവങ്ങളും വിവരിക്കുകയാണ്  സിപിഎം കേന്ദ്ര കമ്മിറ്റി അംഗം എ.കെ ബാലന്‍. ഏഷ്യാനെറ്റ് ന്യൂസിന്റെ ഓണം പ്രത്യേക പരിപാടിയായ 'ബബിള്‍ ഗമ്മില്‍' സംസാരിക്കുകയായിരുന്നു അദ്ദേഹം. ബ്രണ്ണന്‍ കോളേജില്‍ വെച്ച് ക്ലാസ് ബഹിഷ്കരിക്കുമ്പോള്‍ കെ സുധാകരന്റെ നേതൃത്വത്തില്‍ അത് തടയാന്‍ ശ്രമിച്ചതോടെ സംഘര്‍ഷാവസ്ഥയുണ്ടായി.

അപ്പോള്‍ സ്ഥലത്തെത്തിയ പിണറായി വിജയനും സംഘവും ഒരു വശത്തും മറുവശത്ത് കെ സുധാകരനും സംഘവും നില്‍ക്കുകയായിരുന്നു. എന്തും സംഭവിക്കുമെന്ന ഈ അവസ്ഥയില്‍ മാഹി ബാലന്‍ എന്ന സുഹൃത്ത് ഇടപെട്ട് പ്രശ്നം പരിഹരിക്കാന്‍ ശ്രമിച്ചു. ഈ സമയത്താണ് ശരീരത്തില്‍ തൊടാതെ കളരിയിലെ അഭ്യാസമുറകള്‍ പോലെ  കൈകൊണ്ട് ആഗ്യം കാണിച്ച് സുധാകരനെ പിണറായി വിജയന്‍ പേടിപ്പിച്ചതെന്ന് എ.കെ ബാലന്‍ പറഞ്ഞു. തുടര്‍ന്ന് സംഘര്‍ഷം ഒഴിവാവുകയായിരുന്നു.

കെഎസ്എഫ് സ്ഥാനാര്‍ത്ഥിയായി സ്കൂള്‍ തെര‍ഞ്ഞെടുപ്പില്‍ മത്സരിച്ച കാലം മുതലുള്ള സംഘടനാ ജീവിതവും പിണറായി വിജയനുമായി പരിചയപ്പെടുന്ന സന്ദര്‍ഭവും അദ്ദേഹം ബബിള്‍ ഗമ്മില്‍ വിവരിച്ചു. കെ.സുധാകരനുമായി പഠന കാലം മുതലുണ്ടായിരുന്ന അടുപ്പവും അക്കാലത്തെ രാഷ്ട്രീയ പ്രവര്‍ത്തനവും അദ്ദേഹം അഭിമുഖത്തില്‍ ഓര്‍ത്തെടുക്കുന്നു. 

എ.കെ ബാലനോടൊപ്പമുള്ള ബബിള്‍ഗമ്മിന്റഎ പൂര്‍ണ രൂപം കാണാം...
Watch Video