ആറ് സിറിഞ്ചുകൾ ഉപയോഗിച്ച് അത്യുഗ്രമായി പ്രവർത്തിക്കുന്നൊരു ജെസിബിയാണ് ഈ കൊച്ചുമിടുക്കൻ നിർമ്മിച്ചത്.
ദില്ലി: സിറിഞ്ചുകൾ ഉപയോഗിച്ച് ജെസിബി നിർമ്മിച്ച ഒരു മിടുക്കനാണ് സോഷ്യൽമീഡിയയിലെ ഇപ്പോഴത്തെ താരം. ആറ് സിറിഞ്ചുകൾ ഉപയോഗിച്ച് അത്യുഗ്രമായി പ്രവർത്തിക്കുന്നൊരു ജെസിബിയാണ് ഈ കൊച്ചുമിടുക്കൻ നിർമ്മിച്ചത്. താൻ നിർമ്മിച്ച 'സിറിഞ്ച് ജെസിബി' കൂട്ടുകാർക്ക് പരിചയപ്പെടുത്തി കൊടുക്കുന്ന ഈ കൊച്ച് എഞ്ചിനീയറിന്റെ വീഡിയോയാണ് സോഷ്യൽമീഡിയയിൽ വൈറലാകുന്നത്.
രാജേഷ് കെജ്രിവാൾ എന്നയാളാണ് കുട്ടിയുടെ വീഡിയോ ട്വിറ്ററിലൂടെ പങ്കുവച്ചിരിക്കുന്നത്. 'ജെസിബിയുമായും എഞ്ചിനീയറിങ്ങ് ബിരുദവുമായി ബന്ധപ്പെട്ട എല്ലാ മീമുകളും ഒരുനിമിഷം ഒരുവശത്തേക്ക് മാറ്റിവയ്ക്കുക. എന്നിട്ട് ഈ പാവപ്പെട്ട കുട്ടിയുടെ സാങ്കേതിക നൈപുണ്യം കാണു. സിറിഞ്ചുകൾ ഉപയോഗിച്ച് ഈ കുട്ടി ഒരു ജെസിബി നിർമ്മിച്ചിരിക്കുകയാണ്', എന്ന അടിക്കുറിപ്പോടെയാണ് രാജേഷ് കെജ്രിവാൾ വീഡിയോ ട്വീറ്റ് ചെയ്തിരിക്കുന്നത്.
While on - keep all those memes and your engineering degrees aside for a moment, and look at this poor child's technological skills. He has made a JCB with just used syringes! 👌👌 pic.twitter.com/526ysIIFhF
— Rajesh Kejriwal 🇮🇳 (@raj20k)29 സെക്കന്റ് ദൈർഘ്യമുള്ള വീഡിയോ ഒരുലക്ഷത്തിലധികം ആളുകളാണ് ഇതുവരെ കണ്ടത്. 2035-ലെ സിഒഎയെ നമ്മൾ കണ്ടെത്തിയിരിക്കുന്നുവെന്നാണ് ട്വിറ്റർ ഒന്നടങ്കം പറയുന്നത്. അതേസമയം ഉപയോഗിച്ചതിന് ശേഷം വലിച്ചെറിഞ്ഞ സിറിഞ്ചുകളാണ് കുട്ടി ഉപയോഗിച്ചിരിക്കുന്നതെങ്കിൽ അത് വളരെയധികം അപകടകരമാണെന്ന് മറ്റ് ട്വിറ്റർ ഉപയോക്താക്കൾ ഉപദേശിക്കുന്നു.