വധുവിനെ മാത്രം പകർത്തുന്ന ഫോട്ടോ​ഗ്രാഫർ, സഹികെട്ട് പൊട്ടിത്തെറിച്ച് വരൻ, വൈറലായി വധുവിന്റെ പ്രതികരണം

എനിക്ക് ഈ വധുവിനെ ഇഷ്ടമായി എന്ന കാപ്ഷനോടെ ഈസ്2ഈസ് എന്ന അക്കൗണ്ടിൽ നിന്നാണ് വീഡിയോ പങ്കുവച്ചിരിക്കുന്നത്...

കല്യാണത്തിന്റെ മുഖ്യപരിപാടി ഫോട്ടോ​ഗ്രഫി തന്നെയാണ്. വരനെയും വധുവിനെയും പല പോസുകളിൽ ഫോട്ടോയെടുപ്പിക്കുന്നതും അത് വൈറലാകുന്നതുമെല്ലാമാണ് ട്രെന്റ്. എന്നാൽ ഇപ്പോൾ കല്യാണ വീട്ടിൽ ഫോട്ടോ എടുത്തുകൊണ്ടിരുന്ന ഫോട്ടോ​ഗ്രാഫർ ആണ് വൈറലായിരിക്കുന്നത്. ഫോട്ടാ​ഗ്രാഫർ വധുവിനെ ഒറ്റയ്ക്ക് ഫോട്ടോ എടുക്കുന്നതും പലപല പോസുകളിൽ നി‍ത്തുന്നതും കണ്ട് സഹികെട്ട് വരൻ പൊട്ടിത്തെറിക്കുന്നതാണ് വീഡിയോ. സഹികെട്ട വരൻ ഫോട്ടോ​ഗ്രാഫറെ മർദ്ദിക്കുന്നു. എന്നാൽ ഇതോടെ ഒരു വല്ലാത്ത ചിരിയുമായി ഫോട്ടോ​ഗ്രാഫർ മാറിപ്പോകുകയും ഇത് കണ്ട് വധു നിലത്തുകിടന്ന് ചിരിക്കുകയുമാണ് വീഡിയോയിൽ. 

എനിക്ക് ഈ വധുവിനെ ഇഷ്ടമായി എന്ന കാപ്ഷനോടെ ഈസ്2ഈസ് എന്ന അക്കൗണ്ടിൽ നിന്നാണ് വീഡിയോ പങ്കുവച്ചിരിക്കുന്നത്. വീഡിയോ ഉടൻ തന്നെ വൈറലാവുകയും ചെയ്തു. എന്നാൽ വരന്റെ പ്രതികരണത്തിനെതിരെയാണ് മിക്കവരുടെയും പ്രതികരണം. ഇത്തരത്തിൽ പ്രതികരിക്കുന്നയാൾ സംശയത്തിന്റെ പേരിൽ ഭാര്യയെയും ഒരുനാൾ മർദ്ദിക്കുമെന്ന് ചിലർ പ്രതികരിച്ചു. ഈ അവസരത്തിൽ തിരിച്ച് ആക്രമിക്കാതെ ചിരിച്ചുനിന്ന ഫോട്ടോ​ഗ്രാഫർക്ക് കയ്യടിക്കണമെന്നും പ്രതികരിക്കുന്നവരുണ്ട്.