തിരക്കേറിയ റോഡില് ആംബുലന്സിന് വഴിയൊരുക്കാന് 2 കിലോമീറ്റര് ഓടി കോണ്സ്റ്റബിള്; വീഡിയോ
Synopsis
ആംബുലന്സിന് തടസ്സങ്ങളൊന്നുമില്ലെന്ന് ഉറപ്പിച്ച ശേഷമാണ് പൊലീസുകാരന് പിന്മാറിയത്. സംഭവത്തിന്റെ ദൃശ്യങ്ങള് ട്രാഫിക് എസിപി അനില്കുമാര് ട്വീറ്റ് ചെയ്തു.
ഹൈദരാബാദ്: തിരക്കേറിയ റോഡില് ആംബുലന്സിന് വഴിയൊരുക്കാന് രണ്ട് കിലോമീറ്റര് ഓടി ട്രാഫിക് പൊലീസ് കോണ്സ്റ്റബിള്. ഹൈദരാബാദിലാണ് സംഭവം. നഗരത്തില് തിരക്കേറിയ റോഡിലാണ് ഗുരുതരാവസ്ഥയില് പോകുകയായിരുന്ന ആംബുലന്സിന് വഴിയൊരുക്കാന് പൊലീസുകാരന് മുന്നില് ഓടിയത്. ദ ന്യൂ ഇന്ത്യന് എക്സ്പ്രസാണ് സംഭവം റിപ്പോര്ട്ട് ചെയ്തത്. സംഭവത്തിന്റെ ദൃശ്യങ്ങള് സോഷ്യല്മീഡിയയില് പ്രചരിച്ചു. അബിഡ്സില് നിന്ന് കോട്ടിയിലേക്ക് പോകുകയായിരുന്ന ആംബുലന്സ് തിരക്കില്പ്പെട്ട് ബുദ്ധിമുട്ടുന്നത് കണ്ടാണ് കോണ്സ്റ്റബിള് സഹായത്തിനെത്തിയത്.
ജി ബാബ്ജിയെന്നാണ് പൊലീസുകാരന്റെ പേരെന്ന് ദ ന്യൂസ് മിനുട്ട് റിപ്പോര്ട്ട് ചെയ്തു. തിങ്കളാഴ്ച നടന്ന സംഭവം ബുധനാഴ്ചയാണ് സോഷ്യല്മീഡിയയില് പ്രചരിച്ചത്. ആംബുലന്സിന് തടസ്സങ്ങളൊന്നുമില്ലെന്ന് ഉറപ്പിച്ച ശേഷമാണ് പൊലീസുകാരന് പിന്മാറിയത്. സംഭവത്തിന്റെ ദൃശ്യങ്ങള് ട്രാഫിക് എസിപി അനില്കുമാര് ട്വീറ്റ് ചെയ്തു. പൊലീസ് കോണ്സ്റ്റബിളിനെ അദ്ദേഹം അഭിനന്ദിച്ചു.
ഇന്ത്യയിലെയും ലോകമെമ്പാടുമുള്ള എല്ലാ Viral News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Latest Malayalam News എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam