ആക്രമണത്തില് പരിക്കേറ്റ പുലിയെ രക്ഷിച്ച് വനംവകുപ്പ് ഉദ്യോഗസ്ഥര്; വീഡിയോ
Synopsis
രാത്രിയില് കാട്ടിലൂടെ നീങ്ങുകയായിരുന്ന പുലിയെ പിടികൂടി ചികിത്സ നല്കുകയായിരുന്നു.
ദില്ലി: അതിഗുരുതരമായി പരിക്കേറ്റ പുലിയെ രക്ഷിച്ച് വനംവകുപ്പ് ഉദ്യോഗസ്ഥര്. മധ്യപ്രദേശിലെ ഇന്ഡോറിലെ കാമ്പല് ഗ്രാമത്തില് നിന്നാണ് പുലിയെ പിടികൂടിയത്. മറ്റൊരു പുലിയുമായുണ്ടായ മല്പ്പിടുത്തത്തില് ഇതിന് സാരമായി പരിക്കേറ്റിരുന്നു. രാത്രിയില് കാട്ടിലൂടെ നീങ്ങുകയായിരുന്ന പുലിയെ പിടികൂടി ചികിത്സ നല്കുകയായിരുന്നു.
രണ്ട് ഉദ്യോഗസ്ഥര് ചേര്ന്നാണ് പുലിയെ കൂട്ടിലാക്കിയത്. പുലി വരുന്ന വഴിയില് പതുങ്ങിയിരുന്ന ഉദ്യോഗസ്ഥര് അതിസമര്ത്ഥമായി ഇതിനെ കൂട്ടിലാക്കുകയായിരുന്നു. മറ്റൊരു ഉദ്യോഗസ്ഥന് സംഭവം മൊബൈല് ഫോണില് പകര്ത്തി. 20 സെക്കന്റ് ദൈര്ഘ്യമുള്ള വീഡിയോയില് ഉദ്യോഗസ്ഥരുടെ സാഹസിക പ്രവര്ത്തി വ്യക്തമാണ്
ഇന്ത്യയിലെയും ലോകമെമ്പാടുമുള്ള എല്ലാ Viral News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Latest Malayalam News എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam