'കണ്ണെഴുതി പൊട്ടും തൊട്ട്..'; മുത്തശ്ശിയുടെയും കുട്ടിക്കുറിമ്പിയുടെയും മനസ് നിറയ്ക്കുന്ന വീഡിയോ കാണാം

സമൂഹമാധ്യമങ്ങളിൽ പങ്കുവെയ്ക്കപ്പെട്ട ഈ സ്നേഹ വീഡിയോയ്ക്ക് നിറഞ്ഞ പിന്തുണയാണ് ലഭിക്കുന്നത്. 

പ്രായമായവരേയും കൊച്ചുകുട്ടികളെയും എല്ലാവർക്കും ഇഷ്ടമാണ്. പലപ്പോഴും കുസൃതിത്തരങ്ങൾ കാണിക്കുന്നതും ഇവർ തന്നെയാകും. തങ്ങളുടെ വീട്ടിൽ ഒരു മുത്തശ്ശിയോ മുത്തശ്ശനോ ഉണ്ടാകണമെന്നാണ് എല്ലാവരും ആ​ഗ്രഹിക്കാറുള്ളത്. കുട്ടികൾക്ക് ഏറ്റവും കൂടുതൽ പ്രിയം തോന്നുന്നതും ഇവരോട് തന്നെയാകും. അത്തരത്തിൽ രണ്ട് കളികൂട്ടുകാരുടെ വീഡിയോയാണ് ഇപ്പോൾ സമൂഹമാധ്യമങ്ങളുടെ മനം നിറയ്ക്കുന്നത്.

മുത്തശ്ശിയ്ക്ക് കണ്ണെഴുതി, പൊട്ടുകുത്തി നൽകുന്ന ഒരു കൊച്ചുമിടുക്കിയാണ് ഈ വീഡിയോയിലെ താരം. കുട്ടിയ്ക്ക് മുൻപിൽ വളരെ അനുസരണയോടെ ഇരിയ്ക്കുകയാണ് മുത്തശ്ശി. മോളുടെ മേക്കപ്പ് കഴിയുമ്പോൾ നിഷ്കളങ്കമായ ഒരു ചെറുചിരിയും നൽകുന്നുണ്ട് ഈ മുത്തശ്ശി.

സമൂഹമാധ്യമങ്ങളിൽ പങ്കുവെയ്ക്കപ്പെട്ട ഈ സ്നേഹ വീഡിയോയ്ക്ക് നിറഞ്ഞ പിന്തുണയാണ് ലഭിക്കുന്നത്. കാഴ്ചക്കാരുടെ ഹൃദയം നിറയ്ക്കുകയാണ് ഈ കുഞ്ഞുമകളും മുത്തശ്ശിയും എന്നാണ് മിക്കവരുടെയും പ്രതികരണം.

"