ഇത് കേട്ടാൽ നിങ്ങൾ വിശ്വസിക്കുമോ, പക്ഷേ സംഭവം സത്യം; ഒരു ചെറുനാരങ്ങ വിറ്റുപോയത് 35,000 രൂപക്ക്!

ചെറുനാരങ്ങക്കായി ഭക്തർ മത്സരബുദ്ധിയോടെ രം​ഗത്തെത്തി. അവസാന റൗണ്ടിൽ 15 പേരാണ് ലേലത്തിൽ പങ്കെടുത്തത്.

ചെന്നൈ: തമിഴ്നാട്ടിൽ ക്ഷേത്രത്തിലെ ചെറുനാരങ്ങ ലേലത്തിൽ വിറ്റുപോയത് 35000 രൂപക്ക്. ഈറോഡിലെ ശിവ​ഗിരി പഴപൂസയ്യൻ ക്ഷേത്രത്തിൽ ശിവരാത്രി ദിനത്തിൽ നടന്ന ലേലത്തിലാണ് ചെറുനാരങ്ങ വലിയ തുകക്ക് വിറ്റുപോയത്. ശിവരാത്രി ദിനത്തിൽ ക്ഷേത്രത്തിൽ കാണിക്കയായി ലഭിച്ച വഴിപാട് സാധനങ്ങൾ ലേലം ചെയ്തപ്പോഴാണ് ചെറുനാരങ്ങക്കായി മത്സരിച്ച് ലേലം വിളിച്ചത്.

ചെറുനാരങ്ങക്കായി ഭക്തർ മത്സരബുദ്ധിയോടെ രം​ഗത്തെത്തി. അവസാന റൗണ്ടിൽ 15 പേരാണ് ലേലത്തിൽ പങ്കെടുത്തത്. ആവേശം നിറഞ്ഞ ലേലം വിളിക്കൊടുവിൽ ഈറോഡ് സ്വദേശി 35000 രൂപക്ക് ലേലമുറപ്പിച്ചു. ക്ഷേത്രത്തിലെ ശിവലിം​ഗത്തിന് മുന്നിൽ പ്രത്യേക പൂജയും പ്രാർഥനയും നടത്തിയ ശേഷം നാരങ്ങ ഭക്തന് നൽകിയതായി ക്ഷേത്രം അധികൃതർ അറിയിച്ചു.