രാഹുൽ ​ഗാന്ധിയുടെ വീഡിയോയിലെ ആ മനോഹര ചിത്രം പക‍ർത്തിയത് ഈ ഫോട്ടോ​ഗ്രാഫർ...

വീഡിയോയിൽ രാഹുലിന്റെ പുറകിലെ ഫോട്ടോ​ഗ്രാഫ്. നീലാകാശത്തിനു കീഴിൽ മഞ്ഞുമൂടിക്കിടക്കുന്ന ഭൂപ്രദേശത്തിന്റേതാണ് ആ ചിത്രം. ഈ ചിത്രം ആര് പക‍ർത്തിയതാണെന്നാണ് ട്വിറ്ററിൽ നടന്ന അന്വേഷണം.   

ദില്ലി: കൊവിഡ് പ്രതിരോധത്തിലെ കേന്ദ്രസർക്കാരിന്റെ നടപടികളെ വിമർശിച്ചുകൊണ്ടുള്ള വീഡിയോ കഴിഞ്ഞ ദിവസം കോൺ​ഗ്രസ് നേതാവ് രാഹുൽ ​ഗാന്ധി പുറത്തുവിട്ടിരുന്നു. കൊവിഡിന്റെ മൂന്നാം തംരം​ഗത്തെ കേന്ദ്രം നേരിടാൻ പോകുന്നതിനെ വിമർശിച്ചുകൊണ്ടുള്ള ആ വീഡിയോയിൽ ശ്രദ്ധയാക‍ർഷിച്ച മറ്റൊന്നുകൂടിയുണ്ട്. വീഡിയോയിൽ രാഹുലിന്റെ പുറകിലെ ഫോട്ടോ​ഗ്രാഫ്. നീലാകാശത്തിനു കീഴിൽ മഞ്ഞുമൂടിക്കിടക്കുന്ന ഭൂപ്രദേശത്തിന്റേതാണ് ആ ചിത്രം. ഈ ചിത്രം ആര് പക‍ർത്തിയതാണെന്നാണ് ട്വിറ്ററിൽ നടന്ന അന്വേഷണം. 

ഒടുവിൽ ആളെ കണ്ടെത്തി. റെയ്ഹാൻ രാജീവ് വദ്രയുടേതാണ് ആ ചിത്രം. 20 കാരനായ റെയ്ഹാൻ, പ്രിയങ്ക ​ഗാന്ധിയുടെയും റോബ‍ർട്ട് വദ്രയുടെയും മകനാണ്. ആർക്കിടെക്ട് സീതു മഹാജൻ കോഹ്ലി തന്റെ ട്വീറ്റൽ ഇത് റെയ്ഹാന്റേതല്ലേ എന്ന സംശയം ഉന്നയിക്കുകയും അത് തന്റേതാണെന്ന് റെയ്ഹാൻ സമ്മതിക്കുകയും ചെയ്തു. ‍‍

ഇൻസ്റ്റ​ഗ്രാമിൽ റെയ്ഹാന് ഫോട്ടോ​ഗ്രഫി പേജുണ്ട്. 10000 ഓളം പേർ റെയ്ഹാനെ ഫോളോ ചെയ്യുന്നുണ്ട്. എവറസ്റ്റ് കൊടുമുടിയിൽ നിന്ന് റെയ്ഹാനെടുത്ത ചിത്രമാണ് രാഹുൽ ​ഗാന്ധിയുടെ വീഡിയോയിൽ കണ്ടതെന്നും പിന്നീട് വ്യക്തമായി. രാജസ്ഥാനിലെ റന്തമ്പോ‍ ദേശീയ ഉദ്യാനത്തിൽ നിന്നുള്ള മനോഹര ചിത്രങ്ങളും മാസങ്ങൾക്ക് മുമ്പ് റെയ്ഹാൻ പങ്കുവച്ചിരുന്നു.