യാത്ര ചെയ്യാൻ സാധിക്കില്ലെങ്കിലെന്ത്? പ്രിയപ്പെട്ട സ്ഥലങ്ങളെ വീട്ടിൽ കൊണ്ടുവന്ന് ട്രാവൽ ബ്ലോ​ഗർ...! ചിത്രങ്ങൾ

വീട്ടിലെ ഉപകരണങ്ങൾ ഉപയോ​ഗിച്ച് പകർത്തിയ ചിത്രങ്ങൾ ഇവർ ഇൻസ്റ്റ​ഗ്രാമിൽ പങ്കുവച്ചിട്ടുണ്ട്. മുൻവർഷങ്ങളിലെ യാത്രയുടെ അതേ അന്തരീക്ഷം സൃഷ്ടിക്കാനാണ് ഇവർ ശ്രമിച്ചിരിക്കുന്നത്.   

ദക്ഷിണാഫ്രിക്ക: കൊറോണ വ്യാപനത്തെ തുടർന്നുണ്ടായ ലോക്ക് ഡൗൺ പ്രഖ്യാപനത്തിൽ ഏറ്റവും കൂടുതൽ സങ്കടപ്പെടുന്നത് ഒരുപക്ഷേ സഞ്ചാരികളായിരിക്കും. യാത്രയെ ഇഷ്ടപ്പെടുന്ന ഇവരെ സംബന്ധിച്ച് വളരെ പ്രതിസന്ധി നിറഞ്ഞ കാലഘട്ടമാണിത്. എന്നാൽ യാത്ര പോയില്ലെങ്കിലും യാത്രയുടെ അന്തരീക്ഷം വീട്ടിനുള്ളിൽ കൃത്രിമമായി സൃഷ്ടിച്ചിരിക്കുകയാണ് ഒരു ട്രാവൽ ബ്ലോ​ഗർ.

ദൈനംദിനം ഉപയോ​ഗിക്കുന്ന ​ഗാർഹിക ഉപകരണങ്ങൾ ഉപയോ​ഗിച്ചാണ് ദക്ഷിണാഫ്രിക്കയിലെ കേപ് ടൗണിൽ നിന്നുള്ള ഷാരോൺ വോ സാങ്കൽപിക യാത്ര നടത്തിയിരിക്കുന്നത്. വീട്ടിലെ ഉപകരണങ്ങൾ ഉപയോ​ഗിച്ച് പകർത്തിയ ചിത്രങ്ങൾ ഇവർ ഇൻസ്റ്റ​ഗ്രാമിൽ പങ്കുവച്ചിട്ടുണ്ട്. മുൻവർഷങ്ങളിലെ യാത്രയുടെ അതേ അന്തരീക്ഷം സൃഷ്ടിക്കാനാണ് ഇവർ ശ്രമിച്ചിരിക്കുന്നത്. 

തനിക്ക് വീണ്ടും യാത്ര ചെയ്യാൻ സാധിക്കുന്ന സമയം വരെ ഇത്തരം ഫോട്ടോകൾ പുനസൃഷ്ടിക്കാൻ ശ്രമിക്കുമെന്നും അവർ ഇൻസ്റ്റ​ഗ്രാം കുറിപ്പിൽ പറയുന്നു. മനോഹരമായ മലനിരകളെയും തടാകത്തെയും അഭിമുഖീകരിക്കുന്ന 2019 ലെ ചിത്രത്തെ 2020ൽ പുന:സൃഷ്ടിച്ചിരിക്കുന്നത് മതിലിന് അഭിമുഖമായി നിന്ന്, കൈകൾ വിജയചിഹ്നത്തിൽ ഉയർത്തിപ്പിടിച്ചു കൊണ്ടാണ്. 

സർഫിം​ഗ് ചെയ്യുന്ന പഴയ ചിത്രത്തിന് പകരം അയൺ ബോർഡാണ് ഉപയോ​ഗിച്ചിരിക്കുന്നത്. കേപ്‍ടൗണിൽ സർഫിം​ഗ് അനുവദനീയമാണെങ്കിലും ബീച്ചിൽ അങ്ങനെ നിൽക്കാൻ സാധിക്കില്ല. എന്നെ അങ്ങനെ കാണാൻ ആ​ഗ്രഹിക്കുമ്പോൾ ഞാൻ വീട്ടിലായിരിക്കും. സർഫിം​ഗ് ബോർഡുമായി നിൽക്കുന്ന ചിത്രത്തിനൊപ്പം അതേ പോസിൽ അയൺ ചെയ്യുന്ന ബോർഡും പിടിച്ചാണ് വോ ചിത്രം പോസ്റ്റ് ചെയ്തിരിക്കുന്നത്. കൂടാതെ പിസാ ​ഗോപുരവും താജ്മഹൽ സന്ദർശിക്കുന്ന ചിത്രവും ഇതേ രീതിയിൽ തന്നെ വോ പുന:സൃഷ്ടിച്ചിട്ടുണ്ട്. 

യാത്ര ഹരമായി കാണുന്ന ഷാരോൺ വോ 57 രാജ്യങ്ങൾ സന്ദർശിച്ചിട്ടുണ്ടെന്ന് ഡെയിലി മെയിൽ റിപ്പോർട്ടിൽ പറയുന്നു. ഇൻസ്റ്റ​ഗ്രാമിൽ ഇവർക്ക് 4000 ഫോളേവേഴ്സ് ആണുള്ളത്. ​ട്രാവൽ ബ്ലോ​ഗുമുണ്ട് ഷാരോണിന്.