നിയമസഭയിലെ ഒരു ചടങ്ങിലാണ് എംഎൽഎ പാട്ടുപാടിയത്. എംഎൽഎ തന്നെയാണ് താൻ പാടുന്നതിന്റെ വീഡിയോ ഫേസ്ബുക്കിലൂടെ പങ്കുവച്ചത്
വസ്ത്രധാരണത്തിൽ മറ്റ് ജനപ്രതിനിധികളിൽ നിന്ന് വ്യത്യസ്തമായി തന്റേതായ സ്റ്റൈൽ സൂക്ഷിക്കുന്ന ആളാണ് കായംകുളം എംഎൽഎ അഡ്വ. യു പ്രതിഭ. ഇപ്പോഴിതാ തനിക്ക് പാട്ടും വഴങ്ങുമെന്ന് തെളിയിച്ചിരിക്കുകയാണ് എംഎൽഎ. മിന്നലെ എന്ന തമിഴ് ചിത്രത്തിലെ ഹാരിസ് ജയരാജ് ഈണമിട്ട വസീഗരാ എൻ നെഞ്ചിനിക്കെ എന്ന ഗാനമാണ് എംഎൽഎ പാടിയിരിക്കുന്നത്.
നിയമസഭയിലെ ഒരു ചടങ്ങിലാണ് എംഎൽഎ പാട്ടുപാടിയത്. എംഎൽഎ തന്നെയാണ് താൻ പാടുന്നതിന്റെ വീഡിയോ ഫേസ്ബുക്കിലൂടെ പങ്കുവച്ചത്. എക്കാലത്തെയും ഹിറ്റ് പാട്ടുകളിലൊന്നായ വസീഗര, സിനിമയ്ക്കായി പാടിയിരിക്കുന്നത് ബോംബെ ജയശ്രീയാണ്. എംഎൽയുടെ വസീഗരയും ഏറ്റെടുത്തിരിക്കുകയാണ് സോഷ്യൽ മീഡിയ ഇപ്പോൾ.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona.