ലതാ മങ്കേഷ്കറുടെ 'സുനോ സജ്‌ന പാപിഹേ നേ' പാടി, സോഷ്യൽ മീഡിയയുടെ മനം കവർന്ന് തെരുവു​ഗായിക; വൈറൽ വീഡിയോ

മഹാബലേശ്വറിലെ തെരുവിൽ നിന്നാണ് ഇവർ പാടുന്നത്. രണ്ട് വരി മാത്രമേയൂള്ളുവെങ്കിലും അതിമനോഹരമായിട്ടാണ് ഇവരുടെ പാട്ട്. 

ദില്ലി: സമൂ​​ഹമാധ്യമങ്ങൾ പ്രതിഭാധനരായ നിരവധി ഗായകർക്ക് അവരുടെ കഴിവുകൾ പ്രകടിപ്പിക്കാനുള്ള ഇടം ഒരുക്കിയിട്ടുണ്ട്. സോഷ്യൽ മീഡിയകളിൽ പങ്കുവെച്ച വീഡിയോകളിലൂടെ നിരവധി പേർ പ്രശസ്തരായിട്ടുമുണ്ട്. ഇവരിൽ തെരുവ് ​ഗായകരും ഉണ്ടായിരുന്നു.  ഒറ്റപ്പാട്ടു കൊണ്ടാണ് റാണു മൊണ്ഡൽ എന്ന ​ഗായിക പ്രശസ്തിയിലേക്ക് ഉയർന്നത്. ലതാ മങ്കേഷ്കറുടെ ഏക് പ്യാർ കാ ന​ഗ്മ ഹായ് എന്ന ​പാട്ടിലൂടെയാണ് റാണു താരമായത്. ഇപ്പോഴിതാ ലതാ മങ്കേഷ്‌കറിന്റെ പ്രശസ്തമായ 'സുനോ സജ്‌ന പാപിഹേ നേ' എന്ന ഗാനം ഒരു സ്ത്രീ പാടുന്ന വീഡിയോ സോഷ്യൽ മീഡിയയിൽ പ്രചരിക്കുന്നുണ്ട്.

സയ്യിദ് സൽമാൻ എന്ന ഇൻസ്റ്റാഗ്രാം ഉപയോക്താവ് നവംബർ 15 നാണ് ഈ വീഡിയോ പോസ്റ്റ് ചെയ്തിരിക്കുന്നത്. മഹാബലേശ്വറിലെ തെരുവിൽ നിന്നാണ് ഇവർ പാടുന്നത്. രണ്ട് വരി മാത്രമേയൂള്ളുവെങ്കിലും അതിമനോഹരമായിട്ടാണ് ഇവരുടെ പാട്ട്. 1966 ൽ പുറത്തിറങ്ങിയ ആയേ ദിൻ എന്ന സിനിമയിലെ പാട്ടാണിത്. എട്ട് ലക്ഷം പേരാണ് ഈ വീഡിയോ കണ്ടത്. മനോഹരം എന്ന് തന്നെയാണ് എല്ലാവരുടെയും പ്രതികരണം. ഇവരെക്കുറിച്ചുള്ള മറ്റ് വിവരങ്ങളൊന്നും തന്നെ ലഭ്യമല്ല.

വീഡിയോ കാണാം