7 കോടി ശമ്പളം ലഭിക്കാൻ ദിവസം 14 മണിക്കൂർ ജോലി ചെയ്തു; പ്രമോഷനും കിട്ടി, ഭാര്യയ്ക്ക് വേണ്ടത് ഡിവോഴ്സ് !

7 കോടിയിലധികം രൂപ പ്രമോഷൻ ലഭിക്കാനായി ദിവസത്തിൽ 14 മണിക്കൂറോളം പണിയെടുത്ത ഒരു ജീവനക്കാരന്റെ കഥ ഇപ്പോൾ സോഷ്യൽ മീഡിയയിലടക്കം വൈറലാവുകയാണ്. ബ്ലൈന്റ് എന്ന സോഷ്യൽ മീഡിയ പ്ലാറ്റ്ഫോമിലാണ് യുവാവിന്റെ കഥ വൈറലാകുന്നത്. അനോണിമസ് അക്കൗണ്ടിൽ നിന്നാണ് പോസ്റ്റ് ഷെയർ ചെയ്തിരിക്കുന്നത്. 3 വർഷമായി ഒരു ദിവസം 14 മണിക്കൂറാണ് താൻ ജോലി ചെയ്യുന്നതെന്നും അതിനാൽ കുടുംബജീവിതത്തിലെ പല നിർണായക നിമിഷങ്ങളും നഷ്ടമായെന്നും അദ്ദേഹം പോസ്റ്റിലൂടെ പങ്കുവച്ചിട്ടുണ്ട്. 

യുവാവിന്റെ ബ്ലൈന്റിലെ പോസ്റ്റ്:

മകള്‍ ജനിച്ച ദിവസം ഞാന്‍ മുഴുവന്‍ ജോലി സംബന്ധമായി മീറ്റിങ്ങുകളില്‍ പങ്കെടുക്കുകയായിരുന്നു. ഭാര്യയ്ക്ക് പോസ്റ്റ് പാര്‍ട്ടം ഡിപ്രഷന്‍ വന്നപ്പോഴും അവളുടെ കൂടെ തെറാപ്പിസ്റ്റിന്റെ അടുത്ത് പാകാന്‍ പോലും കഴിയാത്തത്ര തിരക്കിലായിരുന്നു. ഇപ്പോള്‍ ഭാര്യ തന്നോട് ഡിവോഴ്സ് ആവശ്യപ്പെടുകയാണെന്നും അദ്ദേഹം കുറിച്ചു. 

ഇന്ന് ആ സന്തോഷം നിറഞ്ഞ വാര്‍ത്ത വന്നു. എന്റെ പ്രമോഷന്‍ അപ്രൂവ് ചെയ്തു. എന്നാല്‍ എനിക്ക് സന്തോഷമല്ല, ശൂന്യതയാണ് അനുഭവപ്പെടുന്നത്. എന്താണ് ഞാന്‍ ജീവിതത്തില്‍ ചെയ്യുന്നതെന്ന് എനിക്ക് എന്നോട് തന്നെ ചോദിക്കാിരിക്കാന്‍ കഴിയുന്നില്ല. പക്ഷെ, ലേ ഓഫുകളുടെ ഈ കാലത്ത് ഞാന്‍ നേടിയതില്‍ സന്തോഷമായിരിക്കണം. അതല്ലേ വേണ്ടത്. പക്ഷെ ഞാന്‍ എങ്ങനെ സന്തോഷിക്കും? - പോസ്റ്റിൽ പറയുന്നു. ബ്ലിങ്കിൽ ഷെയർ ചെയ്ത പോസ്റ്റിന് ഒരുപാട് പേരാണ് മറുപടിയുമായി രംഗത്തെത്തിയിരിക്കുന്നത്. 

ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം...