അടുത്ത ജന്മം പശുവായി ജനിക്കണമെന്ന് എല്ദോസ് കുന്നപ്പിള്ളി
Synopsis
പെരുമ്പാവൂര്: അടുത്ത ജന്മം തനിക്കൊരു പശുവായി ജനിക്കണമെന്ന്എല്ദോസ് കുന്നപ്പിള്ളി എംഎല്എ. ഒരു പശു വീട്ടിലുണ്ടെങ്കില് വിവാഹമോചന കേസുകളുടെ എണ്ണം കുറയുമെന്നുമാണ് എംഎല്എയുടെ നിരീക്ഷണം. പെരുമ്പാവൂര് മണ്ഡലത്തിലെ ഏറ്റവും സുന്ദരിയായ പശുകിടാവിനെ കണ്ടെത്താനുളള മത്സരവേദിയിലാണ് എല്ദോസ് കുന്നപ്പിള്ളി എംഎല്എയുടെ പശുവിചാരങ്ങള് പുറത്തുവന്നത്.
ജനിക്കുകയാണെങ്കില് മനുഷ്യനായി ജനിച്ചിട്ടു കാര്യമില്ല.പശു തന്നെയാകണം. പശുവായാല് തൊഴുത്ത് ഉള്പ്പെടെയുളള എല്ലാ സൗകര്യവും മനുഷ്യര് ചെയ്തു തരുമെന്നതാണ് എംഎല്എയുടെ ആഗ്രഹത്തിനു പിന്നിലെ രഹസ്യം. പശു പാല് മാത്രമല്ല, കുടുംബത്തിലെ വഴക്കും തീര്ക്കുമെന്നാണ് എല്ദോസിന്റെ സാക്ഷ്യപ്പെടുത്തല്.
പശുവിനെ കുറിച്ചുളള എംഎല്എയുടെ പുതിയ ചിന്തകള് കേട്ട് വേദിയില് യുഡിഎഉഫ് കണ്വീനര് പിപി തങ്കച്ചനും സിനിമാതാരം ജാഫര് ഇടുക്കിയും ഉണ്ടായിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam