മണ്ണിടിഞ്ഞു വീണു പരിക്കേറ്റ വയോധിക മരിച്ചു

വൈത്തിരിയില്‍ മണ്ണിടിഞ്ഞു വീണു പരിക്കേറ്റ വയോധിക മരിച്ചു

വൈത്തിരി: വീടിനു മുകളിലേക്ക് മണ്ണിടിഞ്ഞു വീണു പരിക്കേറ്റ സ്ത്രീ മരിച്ചു.  പൊഴുതന ആറാം മൈലിൽ അച്ചൂർ വീട്ടിൽ കുഞ്ഞാമിന(70 )യാണ് മരിച്ചത്. കഴിഞ്ഞ ദിവസമായിരുന്നു അപകടം.

കനത്ത മഴയിൽ വ്യാഴാഴ്ച ഉച്ചയോടെ ഇവരുടെ വീടിന്റെ അടുക്കള ഭാഗത്തേക്ക് മണ്ണിടിഞ്ഞു വീഴുകയായിരുന്നു. കുഞ്ഞാമിനയും മരുമകൾ ഫാത്തിമ(35)യും മണ്ണിനടിയിൽപ്പെട്ടു.

നാട്ടുകാരാണ് ഇവരെ പുറത്തെടുത്ത ആശുപത്രിയെലെത്തിച്ചത്. തുടര്‍ന്ന് ഇന്ന് വൈകീട്ട് ഏഴുമണിയോടെ കുഞ്ഞാമിന മരിക്കുകയായിരുന്നു.