പാലക്കാട് ജനവാസ മേഖലയില്‍ കാട്ടാനകളിറങ്ങി (വീഡിയോ)

പാലക്കാട്: കാട്ടാന ഭീതിയില്‍ വീണ്ടും പാലക്കാട്. പാലക്കാട് ജനവാസ മേഖലയില്‍ കാട്ടാനകളിറങ്ങി. പാലക്കാട് കോട്ടായി മാത്തൂര്‍ പഞ്ചായത്തിന്റെ അതിര്‍ത്തിയായ മന്ദംപുള്ളിയെന്ന സ്ഥലത്താണ് കാട്ടാനകള്‍ ആദ്യമിറങ്ങിയത്. ഒരു കുട്ടിയാനയും ഒരു വലിയ ആനയുമാണ് ഇറങ്ങിയത്. 

ആനകളെ തിരിച്ച് കാട്ടില്‍കയറ്റിവിടാനായി പടക്കം പെട്ടിച്ചും മറ്റും ശബ്ദമുണ്ടാക്കിയെങ്കിലും ആനകള്‍ കാട്ടിലേക്ക് കേറാന്‍ കൂട്ടാക്കിയിട്ടില്ല. വനംവകുപ്പ് ഉദ്യോഗസ്ഥരും പൊലീസും നാട്ടുകാരും ആനയെ തിരിച്ചയക്കാനുള്ള പരിശ്രമത്തിലാണ്. 

ജനവാസ കേന്ദ്രങ്ങള്‍ക്ക് സമീപത്തുള്ള ആനകളെ തിരിയെ കാട്ടിലെത്തിക്കണമെങ്കില്‍ ഏതാണ്ട് പതിനഞ്ച് കിലോമീറ്ററോളം ദൂരത്തുള്ള മൂണ്ടൂര്‍ കാട്ടിലേക്ക് കയറ്റിവിടണം. സ്ഥലത്തെ ജനങ്ങള്‍ ഭീതിയിലാണ്. മുമ്പും ജില്ലയില്‍ ഇത്തരത്തില്‍ കാട്ടാനകള്‍ ഇറങ്ങിയിട്ടുണ്ട്.